او ادعالار یالانلاندی

آمریکا پرزیدنتی دونال ترامپین، "گیزلی بیلگیلری روسیا ایله پایلاشدیغی" یولون‌داکی ادعا‌لار، یالانلاندی.

چرشنبه گونو روسیا خاریجی ایشلر باخانی سرگئی لاوروو ایله آمریکا پرزیدنتی ترامپ آراسیندا واشینگتوندا گرچکلشن گؤروشمه‌یه باغلی، آمریکا مطبوعاتیندا مختلیف ادعا‌لار یئر آلدی.

واشینگتون پست قزئتینده یئر آلان بیر خبرده، ترامپین لاوروولا بعضی "چوخ گیزلی بیلگی‌لری" پایلاشدیغی ایره‌لی سورولدو.

آمریکا خاریجی ایشلر باخانی رکس تیلرسون و میلی گوونلیک مشاوری هربرت مک ماستر، ادعا‌لاری یالانلادی.

تیلرسون،

"باشقان ترامپ ایله لاوروو آراسین‌داکی گؤروشمه‌ده، تروریزم قارشی‌سین‌داکی اورتاق چابا و بو باغلامداکی بیر چوخ مؤوضوع دانیشیلدی آنجاق قایناق‌لار، حربی عملیات‌لار و اصول‌لار حاقیندا دانیشیلمادی" دئدی.

مک ماستر دا، ادعا‌لاری کسین بیر دیلله یالانلایا‌راق،

"من ده اوتاقدایدیم و بئله بیر شئی اولمادی" دئدی.