آمریکا ساواش گمی‌سی گونئی کره-نین بالیقچی گمی‌سی ایله توققوشدو

گونئی کره-نین دوغوسوندا، امریکانین ساواش گمی‌سی ایله گونئی کره-نین بالیقچی گمی‌سی توققوشدو.  

"یونهاپ" خبر آژانسی‌نین وئردیگی خبرده اؤلکه‌نین دوغوسوندا یئرلشن اوللونگدو آداسی‌نین 90 کیلومتر گونئی‌ینده آمریکا ساواش گمی‌سی ایله گونئی کره-نین بالیقچی گمی‌سینین توققوشدوغو بیلدیریلیر.

خبرده آمریکا-یا عاید "تیکوندروگا" گمی‌سی ایله ایچینده 6 خدمه‌سی اولان تخمینن 10 تن آغیرلیغیندا و 20 متر اوزونلوغوندا بالیقچی گمی‌سی ایله توققوشدوغو حادثه ده ایتکی اولمادیغی ایفاده ائدیلیر.

اؤلکه‌دکی آمریکا دنیز قوه‌لری رسمی‌لری ده گمی‌نین اولوسلار آراسی سولاردا گونده‌لیک فعالیت‌لرینه داوام ائتدیردیگینی سؤیله‌دی.

آمریکا دونانماسی ایله گوئنی کره ساحل گوونلیگی امکداش‌لاری حادثه ایله باغلی سوروشدورما آچدی.