امانوئل ماکرون مختلیف اؤلکهلرین لیدرلری طرفیندن قوتلاندی
آمریکا پرزیدنتی دونالد ترامپ، اجتماعی مئدیا حسابیندان پایلاشدیغی مساژدا،"فرانسانین یئنی پرزیدنتی اولاراق سئچیلن امانوئل ماکرونو تبریک ائدیرم. بیرلیکده ایشی صبیرسیزلیکله گؤزلییرم!" دئیه یازدی
فرانسا پرزیدنتی سئچیلن امانوئل ماکرون مختلیف اؤلکهلرین لیدرلری طرفیندن قوتلاندی.
آمریکان رهبرلیگی، ماکرونو تبریک ائتدی.
آمریکا پرزیدنتی دونالد ترامپ، اجتماعی مئدیا حسابیندان پایلاشدیغی مساژدا،
"فرانسانین یئنی پرزیدنتی اولاراق سئچیلن امانوئل ماکرونو تبریک ائدیرم. بیرلیکده ایشی صبیرسیزلیکله گؤزلییرم!" دئیه یازدی.
آوروپا کومیسیونونون صدری ژان-کلاود یونکر ده، اجتماعی مئدیا حسابی اوزریندن، ماکرونو قید ائتدی.
یونکر،
"فرانسیز سئچیجینین آوروپالی گلهجگی سئچمهسیندن خوشبختم. بیرلیکده داها گوجلو و عدالتلی بیر آوروپا" دئیه یازدی.
آوروپا بیرلیگی خاریجی علاقهلر یوکسک نمایندهسی فدریکا مگرینی، "فرانسا گلهجهیه یاتیریم ائتمگی اوستون ائتدی. امانوئل ماکرون ایله ایشه و بیرلیک یئنیدن شکیللندیرمهیه حاضیرام." دئدی.
آلمانیا باش ناظیری آنگلا مرکل و اولاند باش ناظیری مارک روت ده، امانوئل ماکرونو سئچیم ظفری سببیله قید ائتدی.
روسیا دولت باشقانی ولادیمیر پوتین ده ماکرونو تبریک ائتدی و قلوبال موضوعلاردا بیرلیکده ایشه حاضیر اولدوغونو دیله گتیردی.
بو آرادا، فرانساداکی سیاسی اینکیشافلار پول بازارلارینی دا تأثیر ائتدی.
آورو، آمریکا دولاری قارشیسیندا دگر قازاندی و سون 7 آیین ان یوکسک سویهسینه چیخدی.
آسیا بورسلاری دا فرانساداکی نتیجه یوکسلیشه کئچدی.
ژاپون نیکی اندکسی، دسامبر 2015-جی بو یانا ان یوکسک سویهسینه چاتدی.