نیکی هیلی: قوزئی کوره آرتان گرگینلیگین اؤنلمسی، یئنه بو اؤلکهیه باغلی
هیلی، ژورنالیستلره ائتدیگی آچیقلامادا "قوزئی کورهنین ساواش چیخارماق ایستمدیگیمیزی بیلمهسینی ایستییریک، بونا گؤره بیزی بونا مجبور ائتمیین. توپ اونلارین ساحهسینده و بو نقطهده اویناماغا چالیشمامالیلار." دئدی
آمریکا بیرلشمیش میللتلر تشکیلاتینین دایمی نمایندهسی نیکی هیلی، قوزئی کورهنین موشک سیناقلاری سببیله آرتان گرگینلیگین اؤنلمسینین، یئنه بو اؤلکهیه باغلی اولدوغونو سؤیلهدی.
قوزئی کورهنی مومکون اولان ان دقیق شکیلده اویاردیقلارینی وورغولایان هیلی، ژورنالیستلره ائتدیگی آچیقلامادا؛
"قوزئی کورهنین ساواش چیخارماق ایستمدیگیمیزی بیلمهسینی ایستییریک، بونا گؤره بیزی بونا مجبور ائتمیین. توپ اونلارین ساحهسینده و بو نقطهده اویناماغا چالیشمامالیلار." دئدی.
بمت باش کاتیبی آنتونیو گوترس ایسه؛
"قوزئی کورهنین یالنیز بؤلگهنی دئییل بوتون دونیانی تهدید ائدهجک (نوکلئر) ظرفیته صاحب اولماماسی اوچون صرف ائدیلن بوتون تلاشلاری دستکلییریک." دگرلندیرمهسینی ائتدی.
گوترس، قوزئی کورهنین نیظامی ییغیناق ائتمهسینین، موشکلری و نوکلئر پروقرامییلا اولوسلار آراسی بیر تهدید میدانا گتیرمهسینین قارشیسینی آلماق لازیم اولدوغونا دقت چکدی.
دیگر طرفدن، دیپلوماتیک قایناقلار، آمریکا طرفیندن حاضیرلانان و چینین ده دستک وئردیگی، "قوزئی کورهنین سون نوکلئر سیناغینین بمت امنیت شوراسی طرفیندن قینانماسینی و نوکلئر سیناقلارینا سون وئرمهسینی" ایستهین آچیقلامایا روسیانین اعتراض ائتدیگینی ایفاده ائتدی.