یونیسف‌دن آفریقا اویاریسی

بیرلشمیش میللت‌لر اوشاق‌لارا کؤمک فوندو (یونیسف)، ترور تشکیلاتی بوکو حرام‌ین اوشاق یاش‌داکی اینتیحار بومباچی‌لاری‌نین ساییسی‌نین آرتدیغی خبردارلیغینی ائتدی.

یونیسف-ین ائدیلن یازی‌لی آچیقلامادا، "بوکو حرام‌ین اورتا آفریقادا نیجریه، کامرون، نیجریه و چاد آراسیندا یئر آلان چاد گؤلو بؤلگه‌سین‌دکی اینتیحار سالدیریلاریندا ایستیفاده ائتدیگی اوشاق‌لارین ساییسیندا بؤیوک آرتیم اولماسی ناراحات‌لیق وئریجی." ایفاده‌لری ایستیفاده ائدیلدی.

آچیقلامادا، "چاد گؤلو بؤلگه‌سینده ایلین 3 آییندا اینتیحار سالدیریلاریندا 27 اوشاق ایستیفاده ائدیلدی. کئچن ایل عینی دؤورده بو سایی 9دو." معلوماتی وئریلدی.

یونیسف غرب و اورتا آفریقا دیرکتورو ماری-پیر پویریر ده "ایلین ایلک 3 آییندا بؤلگه‌ده اینتیحار سالدیریلاریندا ایستیفاده ائدیلن اوشاق ساییسی، کئچن ایلین هامیسیندا ایستیفاده ائدیلن‌لرله تقریبا عینی. بو اوشاق گوناهکار دئییل، قوربان." دئیه بیلدیرمیش‌دیر.

آچیقلامادا، نیجریه، کامرون، چاد و نیجرده ​​2014دن بو یانا 117 اوشاغین بومبا‌لی سالدیری تشکیل ائتمک اوچون ایستیفاده ائدیلدیگی و بون‌لارین بؤیوک بیر قیسمی‌نین قیز اوشاغی اولدوغو ایفاده ائدیلدی.