G7 کونفرانسی سوریه نی اله آلدی
فرانسا خاریجی ایشلر ناظیری ژان-مارک آیرو، سوریه لیدری بشار اسدین بو اؤلکهنین گلهجگینده یئری اولمادیغینی سؤیلهدی
سوریه رژیمینین ایدلیبده کئچن هفته شیمیایی سیلاحلارلا رئاللاشدیردیغی قیرغینین سونرا، دونیادا "اسد گئتمهلیدیر" سسلری یوکسلمهیه داوام ائدیر.
فرانسا خاریجی ایشلر ناظیری ژان-مارک آیرو، سوریه لیدری بشار اسدین بو اؤلکهنین گلهجگینده یئری اولمادیغینی سؤیلهدی.
دونیانین صنایعلشمیش ان بؤیوک 7 اؤلکهسی و آوروپا بیرلیگی بیر آرایا گتیرن خاریجی ایشلر ناظیرلری سویهسیندکی G7 کونفرانسی، ایتالیادا باشلادی.
توپلانتی چرچیوهسینده، آرالاریندا تورکیهنین ده اولدوغو اؤلکهلرله، سوریه ایجلاسی رئاللاشدی.
توپلانتینین آردیندان بیر آچیقلاما ائدن فرانسا خاریجی ایشلر ناظیری، G7 اؤلکهلرینین اسدین سوریهنین گلهجگینده اولمایاجاغی موضوعسوندا راضیلاشما تامین ائتدیکلرینی بیلدیریب.
ژان-مارک آیرو؛
" G7 اؤلکهلری اولاراق سوریه و روسیایا تحریم تطبیق موضوعسوندا همفیکیر" ایفادهلرینی ایستیفاده ائتدی.
ایتالیا خاریجی ایشلر ناظیری آنجلینو آلفانو ایسه، سوریه کونفرانسینین سونوندا ائتدیگی آچیقلامادا؛
"سوریهده سیاسی کئچید، قالیجی و تأثیرلی بیر آتشکسه آیریجا هر شئی بیتدیگینده، یئنی بیر آنایاسا اساسیندا آزاد سئچیملره ده ایمکان وئره بیلر." دئیه دانیشدی.