ایسپانیانین ایلک قادین ساوونما ناظیری مادریددکی ائوینده اؤلو تاپیلدی
چاکونون ایلک بیلگی‌لره گؤره اورک سکته‌سیندن اؤتورو اؤلموش اولا بیله‌جگی آچیقلاندی
ایسپانیانین ایلک قادین ساوونما ناظیری کارمه چاکون (46) پایتخت مادریددکی ائوینده اؤلو تاپیلدی.
ایسپان مطبوعاتینا عکس اولونان خبرلرده، عائله‌سی طرفین‌دن شنبه آخشامین‌دان بو یانا اوندان خبر آلینا بیلمه‌ین کارمه چاکونون ائوینه گئدن بیر نئچه یولداشی‌نین، قاپی‌نین آچیلماماسی اوزرینه پولیسه خبر وئردیگی ایفاده ائدیلدی.
ائوه گیرن پولیس، چاکونون اؤلدوغونو بیلدیردی.
چاکونون ایلک بیلگی‌لره گؤره اورک سکته‌سیندن اؤتورو اؤلموش اولا بیله‌جگی آچیقلاندی.
ایسپانیادا کاتالونیا سوسیالیست پارتی (PSC) عضوو اولا‌راق سیاسته باشلایان و 2000-جی ایلده سوسیالیست ایشچی پارتیسی‌نین (PSOE) بارسئلونا‌دان سئچیلمیش میللت وکیلی اولا‌راق مجلیسه گیرن چاکون، زاپاترو حکومتی دؤورونده ایلک مولک ناظیری (2007-2008) داها سونرا دا ایسپانیانین ایلک قادین ساوونما ناظیری (2008-2011) اولا‌راق وظیفه یئرینه یئتیرمیشدی.
چاکون، 2014-جی ایلده سوسیالیست ایشچی پارتیسی‌نین باش کاتیبی اوچون نامیزد اولموش و سوسیالیست‌لرین لیدری اولما یاریشینی یالنیز 22 سسله ایتیرمیشدی.
سون اولا‌راق سوسیالیست ایشچی پارتیسی‌نین بین الخالق علاقه‌لر کاتیبی اولا‌راق وظیفه یئرینه یئتیرن چاکون کئچن ایل ایستعفا ائتمیشدی
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
