قوزئی کره یئنی بالیستیک راکتی سیناقدان کئچیردی
امریکا-نین ساوونما ناظیرلیگی پنتاگون قوزئی کره-نین اورتا اؤلچکلی (میان برد) یئنی بالیستیک راکتین سیناغینی کئچیردیگینی بیلدیردی.
امریکا-نین ساوونما ناظیرلیگی پنتاگون قوزئی کره-نین اورتا اؤلچکلی (میان برد) یئنی بالیستیک راکتین سیناغینی کئچیردیگینی بیلدیردی.
پاسیفیک گوجلر قوموتانلیغیندان وئریلن یازیلی آچیقلامادا راکتین قوزئی کره-نین سینپو شهری یاخینلیغینداکی مرکزدن آتیلدیغی، 60 کیلومتر گئتدیکدن سونرا ژاپن دنیزینه دوشدوگونون معین اولوندوغو بیلدیریلیر.
آچیقلامادا: "ایلکین تخمینلره گؤره، آتیلان راکتین اورتا اؤلچکلی KN-15 تیپی بالیستیک راکت اولدوغو معین ائدیلیب" ایفادهسینه یئر وئریلیر.
آمریکا-نین گوئنی کره و ژاپن-یانین طرفینده اولدوغو وورغولانان آچیقلامادا سؤزوگئدن راکتینین آمریکا قاره سینی تهدید ائتمهدیگی بارهده معلومات وئریلیر.
قوزئی کره-یه ایلک رئاکسیا آمریکا-دان گلدی.
آمریکانین خاریجی ایشلر ناظیری رکس تیلرسون: قوزئی کره-یه وئریلن زامان بیتدی، کیفایت قدر دانیشدیق. باشقا بی شرحه احتیاج حیس ائتمیریک، هر سئچهنک ماسادادیر" دئدی.
گونئی کره و ژاپن-دا قوزئی کره-نین راکئت سیناغینی قینادی.
قئید ائدک کی، راکت سیناغی آمریکا پرزیدنتی دونالد ترامپ-ین هفتهنین اولینده چین اولسا دا، اولماسا دا قوزئی کره-نین نوکلر تهدیدی ایله باغلی پروبلئمی حل ائدجگینه دایر وئردیگی بیاناتدان سونرا کئچیریلدی.
بو آرادا، چین پرزیدنتی شی جی پینگ جومه گونو دونالد ترامپ ایله واشینگتن-دا گؤروشمهسی گؤزلنیلیر.
گؤروشده قوزئی کره-نین نوکلر (اتم) فعالیتلرینین موذاکیره اولونماسی نظرده توتولور.
بیرلشمیش میللتلر تشکیلاتینین قرارلارینا گؤره، قوزئی کره-نین راکت و یا نوکلر سیناقلاری کئچیرمهسی قاداغاندیر.
قوزئی کره ایسه بوتون رئاکسیالارا باخمایاراق، نوکلر سیناقلارینین باریش چیل اولدوغونو ادعا ائدیر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.