آلمانیا ایکی وطنداشینی دپورت ائتمه قراری آلدی

آلمانیا، کئچن آی 'ترور سالدیریسی پلانلادیق‌لاری شبهه‌سیله نظارته آلینان، بیری الجزایرلی دیگری نیجریه‌لی ایکی آدامی، آلمانیادا دوغولموش اولما‌لارینا باخمایا‌راق، دپورت ائتمه قراری آلدی.

پولیس، شبهه‌لی‌لرین گؤتینگن شهرین‌دکی ائولرینه 9 فوریه‌ده ائتدیگی باسقیندا بیر سیلاح ایله ترور تشکیلاتی داعشین سؤزده بایراغینی تاپمیشدی.

آنجاق پولیسین، سالدیری باغلانتیسی تاپا بیلممه‌سی اوزرینه سوروشدورما سونلاندیریلمیش، ایکی شبهه‌لی‌نین یالنیز "تهلوکه‌لی" اولدوغونا قرار وئریلمیشدی.

داها سونرا، آشاغی ساکسونیا ایچ ایشلر ناظیری بوریس پیستوریوس فدرال محکمه‌یه مراجعت ائده‌رک، سؤز موضوعسو 2 نفر اوچون دپورت قراری طلب ائتمیشدی.

ناظیر، محکمه‌نین طلب‌لرینی قبول ائتدیگینی، ایکی شبهه‌لی‌نین گله‌جک آی اوّل‌لرینده دپورت ائدیله‌جگینی آچیقلادی.

نیجریه و الجزایرلی مسئوللارلا دپورت پروسه‌سی‌نین آسانلاشدیریلماسی گؤروشولدوغونو ایفاده ائدن پیستوریوس، "ایکی شبه‌لینی عؤمور بویو آلمانیایا گیریش قاداغانی" گتیریله‌بیله‌جگینی ده ایفاده ائتدی.

بو ایش، آلمانیا تاریخینده بیر ایلک اولا‌جاق.

آلمانیادا وطنداش‌لیق والیدین‌لرین وطنداش‌لاری‌نین و دوغوم یئرینه گؤره وئریلیر.

آلمان مسئول‌لار، 19 دسامبردا برلین‌دکی بیر میلاد بازارینا تشکیل ائدیلن سالدیری‌دان بو یانا امنیت تدبیرلرینی آرتیردی.

سالدیریدا 12 نفر اؤلموشموش، ان آز 49 نفر یارالانمیشدی.