آمریکا، داعش ایله موباریزه کونفرانسینا حاضیرلاشیر
کوالیسیونونا گیرن 68 اؤلکه‌نین خاریجی ایشلر ناظیرلری باشکند واشینگتوندا ترور تشکیلاتینی مغلوب ائتمنین یول‌لارینی آختارا‌جاق
آمریکا، چرشنبه گونو کئچیریله‌جک اولان ترور تشکیلاتی داعش ایله موباریزه کونفرانسینا حاضیرلاشیر.
کوالیسیونونا گیرن 68 اؤلکه‌نین خاریجی ایشلر ناظیرلری باشکند واشینگتوندا ترور تشکیلاتینی مغلوب ائتمنین یول‌لارینی آختارا‌جاق.
توپلانتی آمریکا حکومتی‌نین ترورلا موباریزه ایستراتژیسینی دونیایا ایضاح ائتمه‌سی اوچون ده فورصت اولا‌راق گؤرولور.
تورکیه‌نی خاریجی ایشلر ناظیری مولوت چاووش اوغلونون تمثیل ائدجگی توپلانتی جمعه آخشامی گونو سونا چاتا‌جاق.
چاووش اوغلو آمریکا‌لی همصحبت‌لرینه و دونیایا تورکیه‌نین قیرمیزی خط‌لرینی بیر دفعه داها ایضاح ائده‌جک.
آمریکا رهبرلیگی ساحه‌ده ترورلا موباریزه‌یه سرعت قازاندیرماق ایستییر.
بو معنادا چاووش اوغلونون مساژلاری داها چوخ آمریکا خاریجی ایشلر ناظیری ریکس تیلرسونا یؤنلیک اولا‌جاق.
بو نقطه‌ده آمریکا رهبرلیگی‌نین فرق‌لی بیر ایستراتژی ایزله‌ییب ایزلمیه‌جگی، سیرر کیمی ساخ‌لانان ساوونما ناظیرلیگی (پنتاگون) راپورونون نئجه اویغولاناجاغینا وئریلن جواب ایله عینی اولا‌جاق.
آمریکا کونگره‌سی تورکیه‌دن یانا آغیرلیغینی قویارکن بعضی ایستراتژی‌لرین زامان ایچینده دییشه‌بیله‌جگی گؤروشو آغیرلیق قازانیر.
اسکی باشقان باراک اوبامانین تعیین ائتدیگی شخصیتلرین ساحه‌دکی ایستراتژی‌لری بلیرله‌دیغی دوشونوله‌جک اولسا بو هله‌لیک چتین گؤرونور.
تورکیه‌نین قیرمیزی خط‌لرینی نظره آلان یاناشما اوچون حکومت طرفین‌دن داها چوخ ساحه‌دکی قروپون عینی پنجره‌دن باخماسی لازیم‌دیر.
چاووش اوغلونون توپلانتی‌دان 1 گون اوّل قاتیلاجاغی پانله ایسه دونیا مطبوعاتینین دقتی آلتیندا.
واشینگتون مرکزلی دوشونجه قورولوشو اولان تورک میراث وقفی‌نین پانلینه قاتیلا‌جاق اولان چاووش اوغلو، تورکیه‌نین قیرمیزی خط‌لرینی دونیایا بیر دفعه داها ایضاح ائده‌جک.
