هاوایی ایالتی ویزا محدودیتینی محکمهیه داشییر
هاوایی وکیللری ترامپ-ین اهالیسینین اکثریتی مسلمان اولان 6 اولکه وطنداشینا ویزا محدودیتی گتیرن دوزنلهمهنین دایاندیریلماسی اوچون فدرال حاکمه عریضه وئرمهیه حاضیرلاشدیقلارینی بیلدیردیلر.
آمریکانین هاوایی ایالتی پرزیدنت دونالد ترامپ-ین ایمضالادیغی، 6 اؤلکه وطنداشلارینا ویزا محدودیتینی نظرده توتان دوزنلهمهنی یارغییا داشییر.
هاوایی وکیللری ترامپ-ین اهالیسینین اکثریتی مسلمان اولان 6 اولکه وطنداشینا ویزا محدودیتی گتیرن دوزنلهمهنین دایاندیریلماسی اوچون فدرال حاکمه عریضه وئرمهیه حاضیرلاشدیقلارینی بیلدیردیلر.
سی.ان. ان کانالینا موصاحیبه وئرن وکیل نال کاتیال یئنی ایمضالانان پرزیدنت فرمانینین اونجه کینه گوره داها آز اینسانا تأثیر ائدجگیندن امین اولماق ایستدیکلرینی بیلدیرهرک: "یئنی ویزا محدودیتینین ده آنایاسا پروبلئملری وار" دئدی.
هاوایی ایالتی بو فرمانی چرشنبه گونو (بو گون) رسمی اولاراق فدرال محکمه یه داشییاجاق.
ترامپ-ین بو هفته ایمضالادیغی یئنی ویزا دوزنلهمهسینه دایر آغ ائودن وئریلن یازیلی آچیقلامادا ویزا محدودیتی تطبیق اولوناجاق اؤلکهلرین ایران، سوریه، سومالی، سودان، یمن و لیبی اولدوغو، عراق-ین ایسه سیاهیدان چیخاریلدیغی بیلدیریلیر.
بوندان باشقا، آمریکانین 4 آی مودتینده هئچ بیر اؤلکهدن قاچقین قبول ائتمهیهجگی قئید ائدیلیر.
یئنی دوزنلهمه 16 مارتدان اعتباراً تطبیق اولونماغا باشلایاجاق.
دونالد ترامپ ویزا محدودیتی بارهده ایلک پرزیدنت فرمانینی ژانویهنین 27-ده ایمضالامیشدی.
فرماندان سونرا واشنگتن ایالتینین سیاتل شهرینین فدرال حاکمی جیمز روبارت ترامپ-ین اهالیسینین اکثریتی مسلمان اولان 7 اؤلکه وطنداشلارینا عاید ویزا قاداغاسینی اؤلکه داخیلینده موقتی اولاراق دایاندیرماق بارهده قرار چیخارمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.