آمریکا، اوشاق سیغینماچیلار ایله آتا آنا‌لارینی زورلا آییراجاق
آمریکا اولوسال گوونلیک دایره‌سی، حاضیرلادیغی راپورلا، اؤلکه‌یه یاسادیشی اولاراق گیرن اوشاق سیغینماچیلار ایله آتا آنا‌لارینی زورلا آییرما قراری آلدی
آمریکا، چوخ دارتیشما یارادا‌جاق بیر قرارا داها ایمضا آتدی.
آمریکا اولوسال گوونلیک دایره‌سی، حاضیرلادیغی راپورلا، اؤلکه‌یه یاسادیشی اولاراق گیرن اوشاق سیغینماچیلار ایله آتا آنا‌لارینی زورلا آییرما قراری آلدی.
آمریکا قزئت‌لرین‌دن ده هیل‌ین خبرینه گؤره، آمریکالی یئتکی‌لی‌لر قاچقین‌لاری اؤلکه‌یه یاسادیشی اولاراق گیرمکدن داشیندیرماق اوچون بئله بیر قرار آلدیق‌لارینی بیلدیردی.
اله گئچیریلن راپورا گؤره، سیغینماچی والدین سینیردیشی ائدیلمک اوچون گؤز آلتیندا توتولا‌جاق.
سیغینماچی اوشاق‌لار ایسه 'ساغلیق و اینسان حاق‌لاری خیدمت‌لری بؤلومو'نده توتولا‌جاق.
آمریکا فدرال محکمه‌سی، اوشاق‌لارین اوزون مدت گؤز آلتیندا توتولماسینی قاداغان ائتمیشدی.
آمریکا سیغینما شعبه مودورو جان لافرتی، سیغینماچیلارین گؤز آلتیندا توتولماسی اوچون 20 مین یاتاق ظرفیتینین اولدوغونو ایفاده ائتدی.
ام‌اس‌ان‌بی‌سی‌نین خبرینه گؤره ده، یئنی قرار ایله مؤوجود ظرفیتده یوزده 500لوک آرتیشا گئدیله‌جک.
آمریکالی یئتکی‌لی‌لر، سرحد گوونلیک‌لری اوچون آلینا‌جاق تدبیرلر چرچیوه‌سینده کنگره‌دن داها چوخ بودجه ایسته‌ییر.
