آمریکا عدلیه ناظیری جف سشنزین ده روسیا سفیری ایله گؤروشدوگو اورتایا چیخدی
آنجاق سؤزچو فلورس، بو دانیشیقلارین هئچ بیرینین ترامپین کامپانیاسی ایله باغلی اولمادیغینی ایفاده ائتدی
آمریکا پرزیدنتی دونالد ترامپین میلی امنیت موشاویری مایکل فلیندن سونرا عدلیه ناظیری جف سشنزین ده روسیانین واشینگتون سفیری سئرگئی کیسلیاک ایله سئچیم کامپانیاسی دؤورونده ایکی دفعه گؤروشدوگو اورتایا چیخدی.
آمریکا عدلیه ناظیرلیگی سؤزچوسو سارا اسگور فلورس، ناظیر سشنزین کئچن ایل ایکی دفعه روسیانین واشینگتون سفیری کیسلیاک ایله گؤروشدوگونو آنجاق بو دانیشیقلارین هئچ بیرینین روسلار ایله دونالد ترامپین سئچیم کامپانیاسی آراسینداکی باغلانتیلار حاقیندا اولمادیغینی آچیقلادی.
فلورس، آنادولو آژانسینا ائتدیگی آچیقلامادا، سشنزین کئچن ایل بیر سناتور و سناتو سیلاحلی خیدمتلر کومیتهسینین عضوو اولاراق 25 فرقلی سفیر ایله فرقلی زامان و مکانلاردا دانیشیقلار ائتدیگینی، بونلاردان ایکیسینین روسیانین واشینگتون سفیری کیسلیاک ایله اولماسینین نورمال اولدوغونو سؤیلهدی.
سشنز دانیشیقلارینین بیر سناتور اولاراق ائتدیگی تکرارلانان دیپلوماتیک تماسلار اولدوغونا ایشاره ائدن فلورس، یول آییندا شولوغ بیر موحیطده، سپتامبر آییندا ایسه بیر سفرده سشنز ایله کیسیلاکین گؤروشدوگونو تصدیقلهییب.
آنجاق سؤزچو فلورس، بو دانیشیقلارین هئچ بیرینین ترامپین کامپانیاسی ایله باغلی اولمادیغینی ایفاده ائتدی.
داها سونرا موضوع ایله علاقهدار قیسا بیر آچیقلاما وئرن عدلیه ناظیری سشنز ایسه،
"(ترامپین) سئچیم کامپانیا موضوعلارینی دانیشماق اوچون هئچ بیر روس مسئولو ایله بولوشمادیم. ادعالارین نه ایله باغلی اولدوغونو بیلمیرم. بونلار سهو." دئیه بیلدیرمیشدیر.
دیگر طرفدن دموکراتلار، روسلارین آمریکا پرزیدنت سئچیملرینه سایبر سالدیری یولو ایله مداخیله ائتدیکلری ادعالاری ایله باغلی اولاراق فدرال تحقیقات بوروسو (اف. بی. آی)'نون و عدالت ناظیرلیگینین ایجرا ائتدیگی سوروشدورمایا آرتیق سشنزین هئچ بیر شکیلده مداخیله اولماماسی لازیم اولدوغونو ساوونور.
دموکراتلارین نمایندهلر مجلیسینده آزینلیق لیدری کالیفورنیا وکیلی نانسی پلوسی ایسه، "سشنزین یالان سؤیلهدیگینی و ایستعفا ائتمهسی لازیم اولدوغونو" ایفاده ائتدی.
ترامپین اسکی میلی امنیت موشاویری مایکل فلین، کامپانیا دؤورونده روس سفیر کیسیلاک ایله گؤروشمهسی حاقیندا آغ ائوی و باشقانی کؤمکچیسی مایک پنس یانیلتدیغی سببیله ایستعفا ائتمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.