دونالد ترامپ یئنی ویزا دوزنلمهسینی ایمضلایاجاق
خبرده، یئنی ویزا دوزنلمهسینین یالنیز بوندان سونراکی ویزا باشوورولارینی تأثیر ائدهجک شکیلده یاپیلاندیریلدیغی ادعا ائدیلدی
آمریکا پرزیدنتی دونالد ترامپین صاباح (جومه آخشامی) ایمضالاماسی گؤزلنیلن یئنی ویزا دوزنلمهسی، اؤلکهده دایمی یاشاییش ایجازهسینه صاحب اولان یاشیل کارتلیلاری (گرین کارت) و حال-حاضیردا اعتبارلی آمریکا ویزا داشییانلار تأثیر ائتمهیهجک.
آمریکا وال استریت ژوورنال قزئتینده یئر آلان و ترامپ رهبرلیگینه یاخین منبعلره دایاندیریلان خبرده، یئنی ویزا دوزنلمهسینین یالنیز بوندان سونراکی ویزا باشوورولارینی تأثیر ائدهجک شکیلده یاپیلاندیریلدیغی ادعا ائدیلدی.
خبرده، اهالیسینین اکثریتی مسلمان اولان 7 اؤلکه وطنداشلارینا 90 گون آمریکایا گیریش قاداغانی گتیرن 27 ژانویه تاریخلی قرارنامهدکینه بنزر شکیلده یئنی دوزنلمنی ده یئنه عینی 7 اؤلکهنین (سوریه، عراق، ایران، لیبی، سودان، یمن، سومالی) وطنداشلارینین تاثیرلنهجگی ایفاده ائدیلدی.
خبرده، بونا علاوه اولاراق یئنی تشکیل، اؤلکهیه داخیل اولان قاچقینلار آراسیندا خریستیانلارا اؤنجهلیک وئرن حؤکمون قالدیریلماسینین گؤزلنیلدیگی، بئلهجه اولابیلهجک بیر حقوقی مانعنین ان باشدان آسیلماسینین مقصد قویولدوغو ایفاده ائدیلدی.
مهاجیر پروقرامینی 4 آی تاخیره ائدن و سوریهلیلره اولان قاداغانی ایکینجی بیر تعلیماتا قدر اوزادان ایلک قرارنامهلرده فرقلی اولاراق یئنی تشکیل، یئنه قاچقین پروقرامینین بیر مدت تاخیره آلیناجاغی آنجاق سوریهلیلره، دیگر اؤلکهلردن گئدن مولتجیلرله عینی رفتارین ائدیلهجگی ده خبرده یئر آلان بیر دیگر اهمیتلی خوصوص اولاراق دقتی چکدی.
یئنی دوزنلمهنین ایمضالانماسی ایله تطبیق اولونماغا باشلاماسی آراسینا بیر زامان آرالیغی دا قویولاجاق، بئلهجه اوّلکی تطبیقده هاوالیمانلاریندا گیریشلرده یاشانان گؤرونتولر انگللنهجک.
خبرده، اوّلکی قرانامهنین آپارماسی فدرال بیر حاکم طرفیندن دایاندیریلمیش ترامپین، یئنی دوزنلمه ایلع هر هانسی بیر حقوقی مانعیه تاخیلماق ایستمدیگی، بو سببله آغ ائو قروپونون حوقوقچولارلا یاخین چالیشدیغی قید ائدیلدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.