"ویکی‌لیکسه عاشقم"
ویکی‌لیکسین قوروجوسو جولیان آسانژ، یئنی باشقان ترامپ طرفیندن باغیشلانابیلر
ویکی‌لیکس اینترنت سایتینا بیلگی سیزدیران چلسا مانینگ‌ین آمریکا پرزیدنتی باراک اوباما طرفیندن باغیشلانماسی‌نین آردین‌دان گؤزلر سایتین قوروجوسو جولیان آسانژا چئوریلدی.
آسانژ،
"مانینگ باغیشلانما‌سی حالیندا آمریکایا دؤنمه تکلیفیم ده داخیل اولماق اوزره سؤیله‌دیگیم هر شئیین آرخاسیندایام" دئدی.
سوسیال مئدیا اوزرین‌دن یازان آسانژ، اؤزو و ویکی‌لیکسه قارشی سوچ تعقیبی باشلانماسی اوچون 7 ایللیک اوزون بیر گیریشیم اولدوغونو سؤیله‌دی.
ویکی‌لیکس آدینا بیر نئچه محکمه جلبی اولدوغونو بیلدیرن آسانژ، بونا قارشین آمریکا یارغیسینین اؤزو حاقیندا هر هانسی بیر سوچلاما اولوب اولمادیغینی دوغرولامادیغینی وورغولادی.
آیریجا آسانژ، عدالت باخانلیغی‌نین اؤز وضعیتینی، اوباما یؤنه‌تیمینه قیاسلا ترامپین باشقان‌لیغی دؤورونده داها فرق‌لی اله آلیب آلمایاجاغینی زامانین گؤسترجیینی ایفاده ائتدی.
آسانژ، نوامبر آییندا، حاقین‌داکی تجاووز ادعا‌لاری ایله ایلگیلی اکوادورون لندن ائلچیلیگینده سورغولانمیشدی.
سورغو گونو ائلچیلیک قارشی‌سیندا تشکیل ائدیلن آسانژا دستک گؤستریسینده، دونالد ترامپ، "آسانژی باغیشلامایا" چاغریلمیشدی.
بو گون آمریکادا وظیفه‌سینه رسمی اولا‌راق باشلایا‌جاق اولان ترامپ ایسه سئچکیم کامپانیاسی سوره‌جینده "ویکی‌لیکسه عاشیقم" دئمیشدی.
