برت مگورک‌دن یئنی رهبرلیکده ده عینی وظیفه‌سینی داوام ائتدیرمه‌سی ایستندی
آچیقلامادا، ترامپ‌ین 50 جیواریندا اوست سویه مسئولاردان موجود وظیفه‌لرینه یئنی رهبرلیک دؤورونده ده داوام ائتمه‌لرینی ایستدیگینی ایفاده ائتدی
آمریکادا پرزیدنت باراک اوبامانین داعش ایله موباریزه اؤزل نماینده‌سی وظیفه‌سینی ایجرا ائدن برت مگورک‌دن یئنی رهبرلیکده ده عینی وظیفه‌سینی داوام ائتدیرمه‌سی ایستندی.
پرزیدنت وظیفه‌سینی بو گون تحویل آلاجاق دونالد ترامپ‌ین آغ ائو سؤزچوسو اولا‌راق سئچدیگی سیان اسپیکر، آمریکا مئدیاسینا ائتدیگی آچیقلامادا، ترامپ‌ین 50 جیواریندا اوست سویه مسئولاردان موجود وظیفه‌لرینه یئنی رهبرلیک دؤورونده ده داوام ائتمه‌لرینی ایستدیگینی ایفاده ائتدی.
اسپیکر، ترامپ‌ین قالماسینی ایستدیگی ایدارچی‌لر آراسیندا ساوونما ناظیری معاوینی روبرت وورک، داعش ایله موباریزه اؤزل نماینده‌سی بریت مگورک و میلی ترورلا موباریزه مرکزی دیرکتورو نیکولاس راسموسن‌ین ده ایشتیراک ائتدیگینی قید ائتدی.
سؤز موضوعسو ایدارچی‌لردن کئچید دؤورو اوچون معین بیر مدت می یوخسا ترامپ دؤورونون هامی‌سیندا می موجود وظیفه‌لرینه داوام ائتمه‌لری‌نین ایستندیگی ایفاده ائدیلمه‌دی.
مگورک‌ون وظیفه‌سینه یئنی رهبرلیکده ده داوام ائتمه‌سی یؤنوندکی طلبه نئجه جواب وئردیگینه دایر هله آچیقلامادا ائدیلمه‌دی.
اوباما رهبرلیگی‌نین، ترور تشکیلاتی پ.ک.ک-نین سوریه قولو پ.ی.د-یه داعشله موباریزه آدی آلتیندا دستک وئرمه‌سی تورکیه ایله آمریکا علاقه‌لری‌نین گریلمه‌سینه سبب اولموشدو.
بریت مگورک فوریه آییندا تشکیلاتین کوبانی‌دکی دوشرگه‌سینی زیارت ائتمیش، بو زیارت اوزرینه پرزیدنتی رجب طیب اردوغان، اوباما رهبرلیگینی تنقید ائده‌رک، واشینگتونا "ترور تشکیلات‌لاری ایله ناتو موتتفیقی آراسیندا بیر سئچیم ائتمه‌سی" چاغیریشی ائتمیشدی.
آنجاق مگورک، 19 می‌ده تشکیلاتین سوریه‌‌دکی دوشرگه‌لرینی ایکینجی دفعه زیارت ائتمیشدی.
ایلگیلی‌لی خبرلر
کنیادا داشقین‌لار نتیجه‌سینده 90-دان چوخ اینسان هلاک اولوب
کنیادا داشقین‌لار سببیندن 90-دان چوخ اینسان حیاتینی ایتیریب.
