اوباما و آبهدن پرل هاربردا تاریخی گؤروشمه
آمریکا پرزیدنتی باراک اوباما ایله ژاپونیا باش ناظیری شینزو آبه، 75 ایل اوّل پرل هاربر باسقینینین ائدیلدیگی لیماندا بیر آرایا گلدی
اوباما و آبهدن پرل هاربردا تاریخی گؤروشمه ...
آمریکا پرزیدنتی باراک اوباما ایله ژاپونیا باش ناظیری شینزو آبه، 75 ایل اوّل پرل هاربر باسقینینین ائدیلدیگی لیماندا بیر آرایا گلدی.
وظیفهلری باشینداکی بیر آمریکا پرزیدنتی ایله بیر ژاپونیا باش ناظیری، 7 دسامبر 1941-جی ایلده ژاپون ساواش اوچاقلارینین باسقین تشکیل ائتدیگی هاوایی آدالارینین اواهو آداسینداکی پرل هاربر لیمانیندا ایلک دفعه گؤروشدو.
تاریخی مراسیمده لیدرلر، سالدیریدا اؤلنلر خاطیرهسینه تیکیلن آریزونا آنیتینا چلنگ قویدو.
پرل هاربر قوربانلاری خاطیرهسینه دنیزه ده چیچک بوراخان لیدرلر، لیدرلر، داها سونرا اورتاق مطبوعات کونفرانسی تشکیل ائتدی.
اوباما، چیخیشیندا، ایکی اؤلکهنین باریش ایچینده بیر اتفاق قورما یولونو سئچدیگینی و بوندا دا باشاریلی اولدوغونو ایفاده ائتدی.
آسیا-پاسیفیکده اشینگتون توکیو ایش بیرلیگینین اهمیتینه دقت چکن اوباما،
"ژاپونیا ایله ایتّیفاقیمیز هئچ بو قدر گوجلو اولمامیشدی." دئدی.
ژاپونیا باش ناظیری دا، پرل هاربرین بیر "آنلاشما سمبولو" اولاراق نسیللر بویو خاطیرلانماسی چاغیریشی ائتدی.
آبه، اؤلکهسی ایله واشینگتون آراسیندا درین بیر ایش بیرلیگی اولدوغونون وورغولادی.
ژاپونیا، 7 دسامبر 1941-جی ایلده پرل هاربرداکی آمریکان دنیز پایگاهینی وورموش، سالدیریدا 2 مین 400 آمریکا عسگری اؤلموشدو.
آغیر ایتکیلر وئرن آمریکانین ایکینجی دونیا ساواشینا گیرمهسینه سبب اولان سالدیری، ساواشین دا سئیرینی دییشدیردی.
آمریکانین 1945-جی ایلده ژاپونیانین هیروشیما و ناکازاکی شهرلرینه آتدیغی آتوم بومبالارینین تاثیریله بؤیوک اکثریتی سیویل اولماقلا 200 مین جیواریندا اینسان اؤلموشدور.
بؤیوک داغیتمانین آردیندان ژاپونیا، مغلوبیتی قبول ائدهرک ایکینجی دونیا ساواشیندان چکیلدی.
اوباما، می آییندا هیروشیمایا تاریخی بیر زیارت رئاللاشدیرمیش و بورایا گؤرئودئیکن گئدن ایلک آمریکا پرزیدنتی اولموشدو.
شینزو آبهنین پرل هاربر زیارتی ده، اوبامانین زیارتینه قارشیلیق رئاللاشدیریلدی.
آبهنین زیارتینین مقصدینین "عذر ایستمک" اولمادیغی، پرل هاربردا حیاتینی ایتیرنلرین خاطیرلاماق اولدوغو آچیقلانمیشدی.