آوروپا بیرلیگی شوراسی: سوریه موضوعسوندا فعالیتیمیز اولمادی
بلژیک‌ین باشکندی بوکسلده کئچیریلن آوروپا بیرلیگی لیدرلر ایجلاسیندا، سوریه‌دکی گلیشمه‌لر اله آلیندی
آوروپا بیرلیگی شوراسی‌نین صدری دونالد توسک، سوریه موضوعسوندا تأثیرلی اولا بیلمدیک‌لرینی اعتراف ائدیب، بیر مسئولیت‌لری ده اولمادیغینی ادعا ائتدی.
بلژیک‌ین باشکندی بوکسلده کئچیریلن آوروپا بیرلیگی لیدرلر ایجلاسیندا، سوریه‌دکی گلیشمه‌لر اله آلیندی.
ایجلاسین نتیجه بیلدیریش‌لرینده، سوریه رژیمی و موتتفیق‌لری خصوصیله ده روسیا و ایرانین حلبه یؤنلیک داوام ائدن سالدیریلاری و سیویل‌لر ایله خسته‌خانا‌لارین قصداً هدف آلینماسی شدتله قیناندی.
آوروپا بیرلیگی لیدرلری، سوریه رژیمی، موتتفیقی روسیا و سالدیری‌نین طرف‌لرینی بعضی تدبیرلری آلماغا چاغیردی.
شرق حلب خالقی‌نین اعتبارلی و شرف‌لی بیر شکیلده بیرلشمیش میلتلر تشکیلاتی‌نین حمایه‌سینده ایستدیک‌لری یئره گئتمه‌لرینه ایجازه وئریلمه‌سی، بو بؤلگه‌یه عاجیل اولا‌راق و قید-شرط‌سیز اولا‌راق کؤمک چاتدیریلماسی و بورادا یاشایان‌لارا آیری-سئچکی‌لیک گودمه‌دن قورونما تامین ائدیلمه‌سی ایستندی.
بون‌دان باشقا، اؤلکه سویه‌سینده ساغلیق ایشچی‌لری و تشکیلات‌لاری‌نین قورونماسی طلب ائدیله‌رک، اولوسلار آراسی حقوقون گریی‌نین بوتون سوریه‌ده، خصوصیله ده احاطه ائتمه آلتین‌داکی یئرلرده تام اولا‌راق تطبیق اولونماسی چاغیریشیندا اولدو.
بیلدیریده، سوریه‌ده چاتیشما‌لارین همن دایاندیریلماسی دا ایستندی.
ایجلاس بیتیمینده مطبوعات کونفرانسی تشکیل ائدن آوروپا بیرلیگی شوراسی صدری توسک ایسه،
"سوریه‌دکی چاتیشما‌لاری گوجله دایان‌دیرماق مومکون دئییل. آوروپا بیرلیگی‌نین بو جور بیر تدبیری ایستیفاده نه نیّتی، نه ده گوجو وار، اما لطفاً آوروپا بیرلیگی‌نی گوناهلاندیرماغی بوراخین." دئدی.
"کیفایت قدر تأثیرلی اولمادیغیمیزی بیلیرم. کیمین کیفایت قدر تأثیرلی اولدوغونو دا بیلیرم اما بو، اینسانی یاردیم دئییل بومبالامادا تأثیرلی." قیمتلندیرمه‌سینده اولان توسک، آوروپا بیرلیگی‌نین سوریه موضوعسوندا بو مرحله‌ده اینسانی یاردیم و دیپلوماتیک تلاش‌لارا سیخلاشدیغینی کؤچوردو.
دونالد توسک، سیویل‌لر اوچون یارادیلان امنیت کوریدورونون ثابت و داوام‌لی اولدوغون‌دان شوبهه دویدوغونو ایفاده ائده‌رک، بوتون آوروپا بیرلیگی تشکیلات‌لاری و دیپلومات‌لاری‌نین بو موضوعدا ایشه داوام ائتدیگینی سؤزلرینه علاوه ائتدی.
ایلگیلی‌لی خبرلر
هریس ایله مناظره تکلیفینه ترامپ‌دان جاواب
کامالا هریس ایله مناظره لرین ایکینجی تورو کئچیرمک اوچون چوخ گئج‌دیر.
