آمریکادا روس هکرلر موضوعسو گوندمی سارسیتماغا داوام ائدیر
آمریکا کشفیاتی، روس هکرلر ایله باغلی آوروپایا ائدیلن خبردارلیق‌لاردا گئجیکمه یاشاندیغی اعترافینی ائتدی
آمریکاداکی 8 نوامبر پرزیدنتلیک سئچیملری ایله بیرلیکده دارتیشیلمایا داوام ائدن روس هکرلر موضوعسو گوندمی سارسیتماغا داوام ائدیر.
آمریکا کشفیاتی، روس هکرلر ایله باغلی آوروپایا ائدیلن خبردارلیق‌لاردا گئجیکمه یاشاندیغی اعترافینی ائتدی.
آمریکادا یایینلانان بازفید-ه دانیشان آمریکا‌لی کشفیات مسئول‌لاری، روس هکرلرین آوروپا‌داکی دولت مرکزلی سالدیری‌لارینی گوندمه گتیردیک‌لرینی آنجاق بونون آز و گئجیکمیش خبردارلیق‌لار اولدوغو اعترافینی ائتدی‌لر.
آدی آچیقلانمایان مسئول‌لار،
"بیز روس مرکزلی تهدیدلره قارشی آختارما ائتدیگیمیزده، روس هکرلر آوروپا سیستمی‌نین امنیتینی قیرمیشدی" ایفاده‌لرینی ایستیفاده ائتدی.
آغ ائوده سون گون‌لرینی کئچیرن پرزیدنت باراک اوباما دا، آمریکاداکی سایبر سالدیری‌لارلا باغلی آیرینتیلی بیر آراشدیرما ائدیلمه‌سینی امر ائتدی.
کئچدیگیمیز گون‌لرده واشینگتون پوست قزئتینده یایینلانان آمریکا مرکزی کشفیات تشکیلاتی (سیا) راپوروندا، روس هکرلرین جمهوریتچی نامیزد دونالد ترامپ‌ین قازانماسینا کؤمکچی اولا‌جاق شکیلده آمریکا پرزیدنت آمریکا‌لارینا مداخیله ائتدیگی یؤنوندکی نتیجه‌یه چاتدیغی ایره‌لی سورولموشدو.
قورولتای اوّلینده دموکرات پارتی‌نین الکترون یازیشما‌لارینی اله کئچیرن روس هکرلر، جمهوریتچی دونالد ترامپا فایدا تامین ائتمه‌سی هدفی ایله بو مساژلاری مطبوعاتا سیزدیردیغی ادعا ائدیلمیشدی.
هیلاری کلینتونون آمریکا کامپانیاسی دا یازیشما‌لارین سیزماسین‌دان سونرا روسیانی گوناهلاندیرمیشدی.
کامپانیا مودیری روبی موک، سی. ان. ان-ه ائتدیگی آچیقلامادا، ترامپ‌ین روسیایا یاخین اولدوغونو ایشاره ائده‌رک، "بو الکترونیک پوست‌لارین قورولتای اوّلینده یایینلانماسی تصادف دئییل و بو ناراحات ائدیجی" دئمیشدی.
آلمانیا خاریجی کشفیات تشکیلاتی BND باشقانی برونو کال دا، اؤلکه‌ده گله‌جک ایل ائدیله‌جک عمومی سئچیم‌لرده ده روس هکرلرین وارلیغی‌نین تهدید اولدوغونو سؤیلمیشدی.
کال،
"آوروپا بئله‌سی سیناق‌لارین مرکزینده و خصوصیله ده آلمانیا" دئمیشدی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
