سیانین راپورونا دونالد ترامپدان آغیراعتراض گلدی
ترامپ، فوکس تی.وی-یه وئردیگی موصاحیبهده، واشینگتون پوست قزئتینده یئر آلان سیا راپورونون خبرینه باغلی سواللاری جوابلادی
آمریکا مرکزی کشفیات تشکیلاتی سیانین، 8 نوامبرداکی پرزیدنتلیک سئچیملرینه روسیانین مداخیله ائتدیگینی اؤنه سورمهسینه، سئچیمنین غالیبی دونالد ترامپدان آغیر اعتراض گلدی.
ترامپ، فاکس نیوز تی.وی-یه وئردیگی موصاحیبهده، واشینگتون پوست قزئتینده یئر آلان سیا راپورونون خبرینه باغلی سواللاری جوابلادی.
ادعانی گولونج اولاراق خاراکتریزه ائدن ترامپ؛
"بیز اؤلکه ایچینده بؤیوک بیر ظفر قازاندیق. هر هفته آیری بیر بهانه گتیریرلر." دئیه دانیشدی.
سئچیملره مداخیلهنین سایبری سالدیریلار واسطهسیله ائدیلدیگی ادعاسینی دا جوابلایان دونالد ترامپ؛
"کیمسه تام اولاراق نه اولدوغونو بیلمیر. اگر هکرلری حرکت آنیندا یاخالایامازسانیز، بیر داها توتابیلمزسینیز." دئدی.
واشینگتون پوست قزئتینده یئر آلان ادعایا گؤره سیا و قاتقی تامین ائدن 17 فرقلی کشفیات تشکیلاتی، روسیانین 8 نوامبردا کئچیریلن پرزیدنت سئچیملرینه قاریشدیغی شکلینده بیر نتیجهیه چاتمیشدی.