خائین ترور سالدیریسینا اولوسلار آراسی توپلومون رئاکسیاسی
ایستانبول-دا حیاتا کئچیریلن خائین ترور سالدیریسینا اولوسلار توپلومون رئاکسیاسی داوام ائدیر.
قطر امیری شیخ حمد بن خلیفه آل ثانی و فیلیسطین دولت باشقانی محمود عباس ایله "حماس‌ین سیاسی بورو صدری خالد مشعل جمهور باشقانی رجب طیب اردوغانا زنگ ائده‌رک ایستانبول‌داکی ترور سالدیریسی ایله علاقه‌لی باش ساغلیغی وئردیلر.
آلمانیا باش ناظیری آنگلا مرکل ده جمهور باشقانی اردوغانا زنگ ائده‌رک، سالدیریدان درین کدر دویدوق‌لارینی و تورکیه ایله دایانیشما ایچینده اولدوقلارینی بیلدیردی.
یونانیستانین باش ناظیری آلکسیس چیپراس دا باش ناظیر بینالی ییلدیریما زنگ ائده‌رک، باشدا سالدیریدا حیاتینی ایتیرن‌لرین یاخین‌لاری اولماقلا بوتون تورک خالقینا و حکومتینه باش ساغلیغی وئردی.
باش ناظیر چیپراس، یونانیستان اولا‌راق ترورون قایناغی نه اولورسا اولسون لعنت له‌دیکلرینی و تورکیه ایله دایانیشما ایچینده اولدوقلارینی وورغولادی.
باش ناظیر ییلدیریم دا چیپراسا داعش، پ.کا.کا و فتو کیمی ترور تشکیلات‌لارینا قارشی آپاریلان موباریزه نین قتیتله داوام ائدجگینی دیله گتیردی.
ترورون قلوبال بیر تهدید اولدوغونو ایفاده ائدن ییلدیریم، بو تهدیدله موباریزه ده اولوسلار آراسی امکداش‌لیغین و دایانیشمانین بؤیوک اهمیت داشیدیغینی ایفاده ائتدی.
کوزوو، اردن و اسپانیانین خاریجی ایشلر ناظیرلری ده خاریجی ایشلر ناظیری مولود چاووش اوغلونا زنگ ائده‌رک، خاین ترور سالدیریسینی پیسله دیلر و ترورا قارشی تورکیه ایله همرای اولدوقلارینی ایفاده ائتدیلر.
