ایتالیاداکی آنایاسا اصلاحاتی، صاندیق چیخیش آنکتلرینه گؤره رد ائدیلدی
اؤلکهده قیده تخمینن 47 میلیون سئچیجینین یوزده 65ی، آنایاسانین 3-ده 1ینی دییشدیرهجک خالق اویلاماسی اوچون صاندیق باشینا گئتدی
ایتالیاداکی تاریخی خالق اویلاماسیندا سناتونون مسئوللارینین قیسیتلانماسینی نظرده توتان آنایاسا اصلاحاتی، صاندیق چیخیش آنکتلرینه گؤره رد ائدیلدی.
اؤلکهده قیده تخمینن 47 میلیون سئچیجینین یوزده 65ی، آنایاسانین 3-ده 1ینی دییشدیرهجک خالق اویلاماسی اوچون صاندیق باشینا گئتدی.
خالق اویلاماسینا تقدیم ائدیلن آنایاسا دییشیکلیگی ایله، ایکی مجلیسلی یاساما سیستمیله ایداره ائدیلن اؤلکهنین یاساما یاپیسیندا کؤکلو دییشیکلیکلر هدفلنیردی.
یاساما پروسسینده یاشانان تیخانمالاری آشیلاجاغینی سؤیلهین ایتالیا باش ناظیری ماتئو رنزی، صاندیق چیخیش آنکتلرینه گؤره بؤیوک بیر مغلوبیت آلدی.
دولت تلویزیونو RAI-ده، اصلاحات پاکتینه "خیر" اویو وئرنلرین نیسبتینین، یوزده 54 ایله 58 آراسیندا اولدوغونو آچیقلاندی.
"بلی" اویو ایسه یوزده 42 ایله 46 آراسیندا ...
خالق اویلاماسی عینی زاماندا حکومت اوچون ده "تست" خصوصیتی داشیییردی.
باش ناظیر ماتو رنزی، تشکیل ائتدیگی توپلانتیدا، ایستعفا قرارینی ائشیتدیردی.
"خیر" نتیجهسینین آردیندان بوتون مسئولیتی بوینونا گؤتوردوگونو ایفاده ائدن باش ناظیر ماتو رنزی، بو گون جمهور باشقانینا ایستعفاسینی تقدیم ائدجگینی آچیقلادی.
اودوزمانی "حکومتیمیز سونا گلمیشدیر" سؤزلریله بیلدیرن رنزی، "خیر" جبههسینین آرتیق تکلیفلرینه آچیقلیق گتیرمهسی لازیم اولدوغونو سؤیلهدی.