آوروپا ایتکین دوشموش اوشاق‌لار مسئله سینده سوسور

آوروپا حکومت‌لری قاچقین ایستاتوسون‌داکی 10 مین‌دن چوخ ایتکین دوشموش اوشاق مؤوضوسوندا سس‌سیزلیگینی قورویوب ساخلاییر.

استانبول-دا کئچیریلن ناتو پارلامنتلرآراسی توپلانتی‌سینین 62-جی اجلاسیندا ایشتیراک ائدن تورکیه بؤیوک میللت مجللیسی‌نین آوروپا بیرلیگی اویوم کمیسیونو سؤزچوسو زهرا تاشکسینلی اوغلو قاچقین‌لارلا باغلی پروبلئم‌لره آوروپا نماینده‌لری‌نین سس‌سیز قالدیغینی و یا پروبلئم‌لرین گؤرمزلیک‌دن گلیندیگینی سؤیله‌دی.

آوروپا اتفاقی طرفین‌دن یارادیلان آوروپا پولیس اوفیسی‌‌نین قاچقین‌لارلا باغلی بو ایل حاضیرلادیغی راپورا دقت چکن تاشکسینلی اوغلو راپورون آچیقلانماسین‌دان سونرا هئچ بیر ایشین گؤرولمه‌مه‌سینی تنقید ائتدی.

بیر ایل عرضینده آوروپادا 10 مین قاچقین اوشاغین یوخ اولدوغونو بیلدیرن زهرا تاشکسینلی اوغلو: " اولوسلار آراسی توپلوم طرفین‌دن جزالاندیریلاجاقلاریندان‌ قورخدوق‌لاری اوچون سس‌سیز قالیرلار" دئدی.

اوشاق‌لارین اورگان مافیاسی و یا اویوشدوروجوو ایله مشغول اولان غیری-قانونی تشکیلات‌لار طرفین‌دن ده قاچیریلمیش اولما احتیمالی‌نین یوکسک اولدوغونون وورغولاندیغینی دیله گتیرن تاشکسینلی اوغلو ایتکین دوشن اوشاق‌لارین داعش و بونا بنزر ترور تشکیلات‌لاری طرفین‌دن ده ایستیفاده اولونما حال‌لاری‌نین دا احتیمال‌لار آراسیندا اولدوغونو بیلدیردی.