آمریکا میللی کشفیات ایداره‌سی‌نین مودورو جیمز کلاپر ایستعفا ائتدی
کلاپر، یئنی باشچی سئچیلن جمهوریتچی دونالد ترامپین آغ ائوده وظیفه‌یه باشلاماسینا 64 گون قالمیش ایستعفاسینی تقدیم ائتدیگینی آچیقلادی
آمریکادا، 8 نوامبر سئچیم نتیجه‌لرینه باغلی ایلک ایستعفا گلدی.
آمریکا میللی کشفیات ایداره‌سی‌نین مودورو جیمز کلاپر، پرزیدنت باراک اوباما دؤورونده تعیین اولونموش و دونالد ترامپین وظیفه‌یه باشلاما مدتینده ایستعفا ائتمه‌سی گؤزلنیلن اوست سویه ایدارچی‌لر آراسیندا ایستفا ائدن ایلک آد اولدو.
کلاپر، یئنی باشچی سئچیلن جمهوریتچی دونالد ترامپین آغ ائوده وظیفه‌یه باشلاماسینا 64 گون قالمیش ایستعفاسینی تقدیم ائتدیگینی آچیقلادی.
کلاپر، ایستعفا آچیقلاماسینی، آمریکا نماینده‌لر مجلیسی کشفیات کومیته‌سین‌دکی میللی امنیتله باغلی بیر ایجلاسین اوّلینده ائتدی.
جیمز کلاپر،
"دونن گئجه ایستعفا مکتوبومو تقدیم ائتدیم، کی بو منی چوخ یاخشی حیس ائتدیردی." ایفاده‌سینی ایستیفاده ائتدی.
کلاپرین، ترامپین ایش باشینا گلمسیله بیرلیکده یئنی تعیین ائدیله‌جک ایدارچی‌لره یئر آچماق اوچون وظیفه‌سین‌دن آیریلدیغی بیلدیریلیر.
ایستعفاسینی سبب ارکن سوندوغونا باغلی آچیقلاما ائتمه‌ین کلاپر، آمریکان کشفیاتی‌نین اوست قورولوشو اولا‌راق بیلینن میللی کشفیات مودورلوغونو 4. مودورو اولا‌راق 6 ایلدیر وظیفه ائدیردی.
آمریکا هاوا گوجلری‌نین ژنرال سویه‌سینده تقاودچو اولان 75 یاشین‌داکی کلاپر، 1992-1995-جی ایللرده ساوونما کشفیات آژانسی‌نین ایلک مودورو اولا‌راق چالیشمیشدی.
