دونالد ترامپ، 3 میلیون قاچاق گؤچمنی فورن دپورت ائتمک ایستدیگینی آچیقلادی

آمریکا باشقان‌لیغینا سئچیلن جمهوریتچی دونالد ترامپ، 3 میلیون قاچاق گؤچمنی سرعت‌لیجه دپورت ائتمک ایستدیگینی آچیقلادی.

دونالد ترامپ، سی. بی. اس کانالینا وئردیگی آچیقلامادا، آمریکانین ایچ و خاریجی سیاستی حاقیندا اونا یؤنلدیلن سوال‌لاری جوابلادی.

ترامپ، 'جینایت ایشلمیش، نارکوتیک شبکه‌سی یا دا جینایت تشکیلاتی عضو قاچاق گؤچمن‌لرین دپورت ائدیلمه‌سی لازیم اولدوغونو ایفاده ائده‌رک،

"بو اینسانلاری یا اؤلکه‌دن گؤندرمگی باجارار یا دا اونلاری حبسه آتاریق" دئیه دانیشدی.

دونالد ترامپ پرزیدنت کامپانیاسی زامانی دا، سئچیلمه‌سی حالیندا غیری-قانونی گؤچله مباریزه ائده‌جگینی، اؤلکه‌دکی قاچاق گؤچمن‌لرین دپورت ائدیله‌جگینی، مکزیک- آمریکا مرزینه بیر دیوار اؤردورمه‌یی پلانلادیغینی دیله گتیرمیشدی.

8 نوامبر سئچیم‌لرین‌دن سونرا اؤلکه‌دکی قره‌‌لرین و مسلمان‌لارین قورخو ایچری‌سینده اولدوغو یؤنوندکی گؤروشمه‌لره ایسه اعتراض گؤسترن دونالد ترامپ؛

"منجه بو قورخو مئدیا طرفین‌دن حاضیرلانیر." دئدی.

ترامپ، اعتیرازچی‌لار اصلینده اؤزونو چوخ دا یاخشی تانیمادیق‌لارینی اؤنه سوره‌رک، گؤستریچی‌لرین آراسیندا پروفسیونل اولان‌لارین دا قاریشا‌راق موحیطی تحریک ائتمه‌یه چالیشدیق‌لارینی سؤیله‌دی.

اعتراض گؤستری‌لری‌نین بیر آن اوّل سونا چاتماسینی اومید ائتدیگینی ده سؤیله‌ین ترامپ، پروتئستوچولاردان اؤزونو تانیما‌لاری اوچون بیر آز واخت ایسته‌دی.

دونالد ترامپ، ترور تشکیلاتی داعشله موباریزه موضوعسوندا نئجه بیر یول ایزلیه‌جگینی یؤنون‌لی سوالا دا، آیرینتی وئرمک ایستمدیگینی ایفاده ائده‌رک،

"یالنیز داعشدن تامامیله قورتولاجاغیمیزی دئییم." ایفاده‌لرینه یئر وئردی.

آمریکانین یاخین شرقده ترورلا موباریزه آدی آلتیندا خرجلدیگی پولا دقت چکن ترامپ،

"یاخین شرقده 6 تریلیون دو‌لار خرجلدیک. بو پوللا اؤلکه‌نی باش‌دان آشاغی ایکی دفعه قوراردیک. یول‌لاریمیزا، کؤپرولریمیزه، تونللریمیزه و هاواآلان‌لاریمیزا باخین، هامیسی چوخ کؤهنلمیش وضعیتده." دئدی.

دونالد ترامپ، 400 مین دو‌لار اولا‌راق ایفاده ائدیلن باشقان‌لیق حقوقونو دا آلمایاجاغینی ایفاده ائده‌رک؛

"یقین قانونی اولا‌راق آلمام لازیم‌دیر. بونا گؤره یالنیز بیر دول‌لارینی آلاجاغام." دئیه دانیشدی.