آوروپا بیرلیگی کومیسیونو مرزلرده کیملیک کونترولو ایکینجی دفعه اوزادیلماسینی قبول ائتدی
کومیسیونونون قرارینا گؤره، 12 نوامبردا سونا چاتا‌جاق شنگن بؤلگه‌سینده سربست دؤوران قایداسینی محدودلاش‌دیران ایداره‌لره 3 آی داها داوام ائدیله‌جک
آوروپا بیرلیگی کومیسیونو کئچن ایل سوئد، دانمارک، نوروئژ، آلمانیا و اوتریش‌ین باشلاددیغی مرلرده کیملیک کونترولو ایجراسی‌نین ایکینجی دفعه اوزادیلماسینی قبول ائتدی.
کومیسیونونون قرارینا گؤره، 12 نوامبردا سونا چاتا‌جاق شنگن بؤلگه‌سینده سربست دؤوران قایداسینی محدودلاش‌دیران کونتروللارا 3 آی داها داوام ائدیله‌جک.
آوروپا بیرلیگی کومیسیونو باشقان کؤمکچی‌سی فرانس تیمرمن،
"تکراردان نورمال ایشله‌ین بیر شنگن بؤلگه‌سینه مومکون اولان ان قیسا زاماندا دؤنه بیلمک اوچون چوخ تلاش گؤستریریک. بو موضوعدا بؤیوک ایره‌لیلمه قید ائتدیک. آنجاق هله او نقطه‌یه گلمیشیک "دئدی.
آوروپا بیرلیگی کومیسیونو گؤچ، ایچ ایشلر و وطنداش‌لیق کومیساری دیمیتریس آوراموپوولوس دا، فرانسانین استراسبورگ شهرینده تشکیل ائتدیگی مطبوعات کونفرانسیندا،
"شنگن بؤلگه‌سین‌دکی بعضی مرزلرده، کووردیناسیون، موتناسیب، مدتی قاتی بیر شکیلده مهدودلاشدیریلمیش بیر ایچ مرز کونترولونون داوام ائتمه‌سینی تکلیف ائدیریک" دئیه دانیشدی.
آوراموپوولوس، 6 اوکتوبردا ایجرایا سوخولان آوروپا ساحیل و مرز قوروما گوجونون نیظام‌سیز کؤچ و غیری-قانونی گیریش‌لر ایله موباریزه‌ده بیر دؤنوم نقطه‌سی اولدوغونو، لاکین تعیین اولونان هدفه چاتما موضوعسوندا داها چوخ زامانا احتیاج دویدوق‌لارینی قید ائتدی.
خصوصیله آلمانیا و دانمارک مرزلرده کیملیک کونترولو ایجراسی‌نین اوزادیلما قراری آلماسیندا تضییق ائدیردی.
کئچن هفته سونوندا ائدیلن آوروپا بیرلیگی لیدرلر ذیروه‌سی، آوروپا بیرلیگی کومیسیونونا ایچ مرز کونتروللاریندا 'احتیاجا اویغون اویارلاما چاغیریشی ائتمیشدی.
