هیتلرین اؤزونون یازدیغی ادعا ائدیلیر

آلمانیادا نازی رژیمی‌نین لیدئری آدولف هیتلرین 1923.جو ایلده یاییملانان "آدولف هیتلر: حیاتی و دانیشما‌لاری" آدلی بیوگرافی کیتابینی اؤزونون یازدیغی ادعا ائدیلدی.

دؤنمین محافظه‌کار قناعت لیدئرلرین‌دن آدولف ویکتور وون کوربرین ایمضاسییلا بازارا چیخان کیتابا دایر ادعا، اسکاتلندده‌کی آبردین اونیورسیته‌سینده گؤره‌و‌لی تاریخ پروفسورو توماس وبر طرفین‌دن ائدیلدی.

کیتابدا آلمانیانین عینیله هیتلر کیمی بیر لیدئره احتیاج دویدوغو گؤروشو دیله گتیریلرکن، تاریخچی‌لر "بو بیوگرافی، بیزه هیتلرین باشین‌داکی ایقتیدارا گلمه فیکیری‌نین، ساندیغیمیزدان داها ارکن اولوشدوغونو گؤستریر" یورومونو وئردی.

پروفسور وبر،

"گؤرونن او کی، 1923.جو ایلده هیتلر، بیردن اولوسال یؤنونو گوجلندیرمه‌یه قرار وئرمیش" دئدی.

کیتابدا هیتلرین حضرت عیسی‌یا بئله بنزتیلدیگینی سؤیله‌ین  وبر،

"بو کیتاب سایه‌سینده هیتلر، آچیق بیر شکیلده" من لیدئر اولماق ایستییرم" دئمک مجبوریتینده قالمادی. اؤزونون لیدئر اولماسینا دایر بیر گؤزلنتی اولوشدورماغی آماجلادی" شکلینده دانیشدی.

تاریخچی وبر، هیتلرین 8-9 نوامبر 1923.جو ایلده گیریشدیگی باشاری‌سیز چئوریلیش گیریشیمینه ایستیناد ائده‌رک، او دؤورلر آدولف هیتلرین میلی سویه‌ده بیر تانینیرلیغی اولمادیغینی سؤیله‌دی.

وبر، هیتلرین، دؤورون مشهور ساواش قهرمانی ویکتور وون کوربرین آدینی قوللاناراق سیاسی دایره‌لرده ائتکی اویاندیرماغا چالیشدیغینی قید ائتدی.

قونویلا ایلگی‌لی بیر کیتاب چالیشماسی  یئریدن وبر، ویکتور وون کوربرین ایره‌لیله‌ین ایللرده هیتلر قارشیدی بیر توتوم آلدیغی، 1944.جو ایلده هیتلره باشاری‌سیز بیر سوءقصد تشکیل ائتمکدن اؤترو حبسه آتیلدیغینی دا بیلدیردی.

آلمان ژورنالیست سون فلیکس کللرهوف دا، نیویورک تایمز قازئته‌سینه،

"بو کیتابی هیتلرین یازدیغینا، یاخود اونون امری ایله بیر ائدیتور طرفین‌دن یازیلدیغینا قانع اولدوم. کیتاب، هیتلرین اؤزونو 1923.جو ایلدن بری "آلمانیانین قورتاریجیسی" گؤردوگونو اورتایا قویور" دئدی.