اوروپالی میلیونلارلا سئچیجی صاندیق باشینا گئدهجک
فرانسادا، 23 آپریل و 7 می 2017 تاریخلرینده پرزیدنت سئچیملری، 11 و 18 ژوئن 2017 تاریخلرینده ده عمومی سئچیملر کئچیریلهجک
خاریجی دوشمنلیگی و ایسلاموفوبیا نقشلی ایفاده و حرکتلرین آرتیغی دؤورده اوروپالی میلیونلارلا سئچیجی، اؤلکهلرینده پرزیدنت و پارلامنت سئچیملری ایله رفراندوملار اوچون صاندیق باشینا گئدهجک.
رادیکال عیرقچیلیگین مرکزی حالینا گلن اوتریشده پرزیدنت سئچیمینین لغو ائدیلن ایکینجی تورو، 2 اوکتوبردا تکرارلاناجاق.
سئچیمده رادیکال ساغچی اوتریش اؤزگورلوکچو پارتیسینین (FPÖ) نامیزدی نوربرت هوفر ایله رقیبی یاشیللار پارتیسینین نامیزدی آلکساندر وان دئر بلئن یاریشاجاق.
سیغینماچیلارا مانع اولماق اوچون مرزلرینه تئل هؤرگولر چکن ماجاریستان، اوروپا بیرلیگی-نین عضو اؤلکهلر آراسیندا ضروری قاچقین کوتاسینی 2 اوکتوبردا رفراندوما آپاراجاق.
فرانسادا، 23 آپریل و 7 می 2017 تاریخلرینده پرزیدنت سئچیملری، 11 و 18 ژوئن 2017 تاریخلرینده ده عمومی سئچیملر کئچیریلهجک.
تخمینن 66 میلیون اهالیسی اولان اؤلکهده 43 میلیون سئچیجی صاندیق باشینا گئدهرک اوّل پرزیدنتینی، سونرا دا میللت وکیللرینی سئچهجک.
کورواسیده حکومت بحرانی سببیله بو گون ارکن سئچیم ائدیلهجک.
اؤلکهده 8 نوابر 2015-جی ایلده ائدیلن عمومی سئچیملرین آردیندان ایشلره باشلایان مجلیس، حکومت بحرانی سببیله 15 ژوئیهده فسخ ائدیلمیشدی.
بوسنی هرزگویندکی ایکی وارلیقدان بیری اولان بوسنی صرب جمهوریتی (RS)، 9 ژانویهنین "صرب جمهوریتی گونو" اولاراق قبول ائدیلمهسی اوچون 25 سپتامبردا رفراندوم ائدهجک.
سوئیسده خالق، 25 سپتامبردا کشفیات قانونوندا دییشیکلیک ائدیلیب یاپیلمایاجاغینی تعیین ائتمک عذره رفراندوما گئدهجک.
لیتوانیدا، 9 اوکتوبردا پارلامنت سئچیملری کئچیریلهجک.
پارلامنتده 38 میللت وکیلی ایله اکثریته صاحب سوسیال دموکرات پارتیسی (LSDP) ایله 33 میللت وکیلی اولان وطن اتفاقی-لیتوانی خریستیان دموکراتلار آراسیندا بؤیوک چکیشمه گؤزلنیلیر.
قاراداغدا 16 اوکتوبردا عمومی سئچیملر اولاجاق.
اؤلکه، 2006-جی ایلده موستقیللیگینی اعلان ائتمهسینین آردیندان دؤردونجو دفعه عمومی سئچیمه گئدهجک.
بولغاریستاندا ایسه 6 نوامبردا پرزیدنت سئچیملری کئچیریلهجک. سئچیمده، پرزیدنت روسن پلونلیئوین یئرینه 5 ایللیک دؤور اوچون کئچهجک شخصیت سئچیلهجک.
اقتدار و مخالیفت آراسینداکی سورتوشمه سببیله سیاسی غیری-ثابیتلیگین سوردوگو مقدونیهده، 11 دسامبردا پارلامنت سئچیملری کئچیریلهجک.
جوت قانادلی پارلامنت سیستمله ایداره ائدیلن ایتالیادا، یاساما پروسهسینی سادهلشدیرمک و سرعتلندیرمک اوچون دسامبر 2016دا پارلامنتین اوست قانادی سناتونون یاساما صلاحیتینین قالدیریلماسینا یؤنلیک رفراندوما گئدیلهجک.
رادیکال ساغچیلارین گوجلندیگی بیر دیگر اؤلکه هولندده عمومی سئچیملر 15 مارس 2017ده اولاجاق.
بلاروس 11 سپتامبردا پارلامنتین آلت قانادینی تشکیل ائدن 110 یئرلیک نمایندهلر مجلیسی سئچیملری کئچیریلهجک.
استونی پارلامنتی ایسه 30 سپتامبردا اؤلکهنین یئنی پرزیدنتینی سئچمک اوچون دؤردونجو دفعه توپلاناجاق.
آلبانیادا دا پرزیدنت سئچیمی می 2017ده، عمومی سئچیملر ایسه ژوئن 2017ده رئاللاشدیریلاجاق
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.