اشتون کارتر، سوریهده مونبیچی داعشدن تمیزلنمهسینده دستگیندن اؤتورو تورکیهیه تشککور ائتدی
کارتر، اولوسلار آراسی کوالیسیونون دستک وئردیگی عملیاتین باشاریسینین داعش علیهداری موباریزهده اهمیتلی بیر دؤنوش نقطهسی تشکیل ائتدیگینی ایفاده ائتدی
آمریکا ساوونما ناظیری اشتون کارتر، سوریهده مونبیچ منطقهسینین ترور تشکیلاتی داعشدن تمیزلنمهسینه یؤنونلیک عملیاتا دستگیندن اؤتورو تورکیهیه تشککورلرینی تقدیم ائتدیگینی بیلدیردی.
اشتون کارتر، موضوعیلا علاقهدار ائتدیگی یازیلی آچیقلامادا، مونبیچ خالقی، مونبیچ نیظامی شوراسی، سوریه عرب کوالیسیونو و سوریه دموکراتیک گوچلرینی، داعشین نیفرت دولو رهبرلیگیندن قورتاریلماسینداکی اوغورلارینا گؤره تبریک ائتدی.
کارتر، اولوسلار آراسی کوالیسیونون دستک وئردیگی عملیاتین باشاریسینین داعش علیهداری موباریزهده اهمیتلی بیر دؤنوش نقطهسی تشکیل ائتدیگینی ایفاده ائتدی.
مونبیچین، سوریه و عراقا گیرن داعش ساواشچیلاری ایله تشکیلاتین خاریجی عضولری اوچون اهمیتلی بیر ترانزیت نقطهسی اولدوغونو ایفاده ائدن کارتر،
"مونبیچدکی باشاری عینی زاماندا رقهنین آرتان ایزولاسیونونو گوجلندیرمهیه کؤمک ائدهجک و سوریهده بیر سونراکی مقصدیمیز اولان داعشین رقهدکی ایدارهسینی قیرمامیزا ایمکان وئرهجک. بوندان باشقا، بو وسیله ایله تورک حکومتینه بو حیاتی عملیاتا وئردیکلری دستکدن اؤتورو ده میننتدارلیغیمی بیلدیرمک ایستییرم . " دئیه دانیشدی.
ائولرینی و محلهلرینی یئنیدن قوراجاق مونبیچ خالقی اوچون کوالیسیون اورتاقلاریندان کؤمک ائتمهلرینی ایستهین آمریکا ساوونما ناظیری، کوالیسیونون یئتکین و موتیواسیون یئرلی گوجلرله داعشی مغلوب ائتمک اوچون ایشینی داوام ائتدیرجگینی قید ائتدی.
آمریکا خاریجی ایشلر ناظیرلیگی ایسپیکری الیزابته ترودو ایسه، مونبیچین داعشدن قورتاریلماسینین بؤلگه سل معنادا ایستراتژیک اهمیتینه توخوناراق،
"مونبیچین تمیزلنمهسی، داعشین عراق و سوریهده نظارت ائتدیگی تورپاقلارلا علاقهسینی تامین ائتدیگی و ساواشچی، پول، سیلاح و احتیاجلارینی بورا سایهسینده گتیریب آپاردیغی اهمیتلی بیر یولون کسیلمیش اولماسینی تامین ائدهجک. شهرین تمیزلنمهسی رقهنین تجرید ائدیلمهسی و داعشین سوریهدن تمیزلنمهسی آدینا دا اهمیتلی بیر آددیم اولاجاق."
ترودو، مونبیچ عملیاتینین، کوالیسیون گوجلرینین داعشین تورکیهیه اولان تهدیدینی آزالدماق اوچون ائتدیگی دیگر عملیاتلارلا اویوم ایچینده اولدوغونو و مارا خطیندکی مخالیفلری دستکلدیگینی سؤیلهدی.
ایسپیکر ترودو، مونبیچین 35 مین ایله 40 مین آراسیندا اولدوغونو تخمین ائتدیکلری اهالیسینین ایسه داعشدن خیلاص اولاجاغینا دقت چکدی.