ایمضاتوپلاما کامپانیاسی داوام ائدیر

فتح الله گوله‌نین تورکیه‌یه قایتاریلماسینا دایر آغ ائوین رسمی اینترنت صحیفه‌سینده باشلادیلان ایمضاتوپلاما کامپانیاسینا قوشولان‌لارین سایی 94 مینه چاتدی.

 آغ ائوین جاواب وئرمه‌سی اوچون تخمینا 6 مین ایمضا لازیم‌دیر. امریکادا یاشایان تورک‌لرین باشلادیغی ایمضاتوپلاما کامپانیاسی آوقوستون 16-دا بیتیر.

17  ژوئیه ده باشلادیلان کامپانیانین " فتح الله گوله‌نین تورکیه‌یه تسلیم ائدیلمه‌سینی ایستییرم" باشلیق‌لی بیلدیریشینده دئییلیر:

15 ژوئیه گونو تورکیه‌نین قانونی و دموکراتیک اولا‌راق سئچیلمیش حکومتینی دئویرمک مقصدیله چئویریلیشه جهد اولدو. معلوم اولدو کی، بو حادثه‌نین آرخاسیندا فتح الله گولن و اونون طرفدارلاری دایانیر. تورکیه بیزیم اورتا دوغوداکی ان اعتبارلی و اوزون مدتلی موتتفیق‌یمیزدیر.  گولن ایسه تورکیه‌دکی موتتفیق‌لریمیز طرفیندن "تروریست" اعلان ائدیلدی. چئویریلیشه جهد دوست‌لاریمیز اولان تورک خالقی‌نین جسور و قطعیت‌لی موداخیلسیله یاتیریلدی.

آمریکا دموکراتیک یوللا سئچیلمیش رهبر و حکومت ایله بوندان سونرا دا امکداش‌لیغینا داوام ائده بیلمه‌سی اوچون فتح الله گولنه سیغینا‌جاق وئرمه‌سینه سون قویماسی و اونو تورکیه‌یه تسلیم ائتمه‌سینی ایستییرم".

ایمضاتوپلاما کامپانیاسینا آغ ائوین رسمی اینترنت صحیفه‌سین‌دکی " عریضه" بؤلوموندکی "petitions.whitehouse.gov" آدرسیندن قوشولماق مومکون‌دور.