اوباما: "ترامپ امریکا پرزیدنت لیگی اوچون لایق دئییل"
اوباما دئدی: ترامپ آوروپا، یاخین شرق و آسیا ایله باغلی ان اساس و حساس مؤوضولاردا بئله جهالتینی اورتایا قویور.
آمریکا پرزیدنتی باراک اوباما جمهوریتچی پارتی‌نین نامیزدی دونالد ترامپ‌ین پرزیدنت‌لیک قابیلیتینه صاحب اولمادیغینی سؤیله‌دی.
آمریکادا بیر طرفدن پرزیدنت سئچیملری اوغروندا جمهوریتچی و دموکرات پارتی‌لرین نامیزدلری آراسیندا رقابت قیزیشیر، دیگر طرفدن جمهوریتچی نامیزد دونالد ترامپ‌ین، خصوصیله، مسلمان علیهینه چیخیش‌لاری داوام ائدیر.
ترامپ سون اولا‌راق اوستو ن خیدمت مئدا‌لی آلمیش و حیاتینی ایتیرمیش مسلمان بیر حربچی‌نین عائله‌سینی آشاغیلایان ایفاده‌لر ایشلدیب کی، بو، آمریکادا تنقیدلرین هدفی اولوب.
آمریکا پرزیدنتی اوباما بئله سرت رئاکسیا گؤستره‌رک دئیب: "بو اؤلکه اوچون فوق العاده فداکارلیق‌لار ائتمیش، یوکسک خیدمت گؤسترمیش، حیاتینی ایتیرمیش بیر عسگریمیزین عائله‌سینه بئله نالاییق حرکتی آغلیما سیغیش‌دیرا بیلمیرم… ترامپ آوروپا، یاخین شرق و آسیا ایله باغلی ان اساس و حساس مؤوضولاردا بئله جهالتینی اورتایا قویور. او آمریکا پرزیدنتی اولماق اوچون قطعی شکیلده یترسیزدیر".
ایلگیلی‌لی خبرلر
بولغاریستان جولای 9-دا یئنیدن سئچکیلره گئدیر
اوزون‌مدتلی حؤکومت قورماق مومکون اولمادیغیندان اؤلکه‌ده آردیجیل 5 عومومی سئچکی کئچیریلدی
