نیسده کئچیریلن بایرام شنلیگی قانلی ترور حادثه سینه صحنه اولدو:ان آز 84 نفر اولدو
فرانسانین جنوبوندا یئرلشن نیس شهرینده 14 ایی یول میللی گون بایرامی تدبیری دهشتلی ترور حادثهسینه صحنه اولدو.
فرانسانین جنوبوندا یئرلشن نیس شهرینده 14 ایی یول میللی گون بایرامی تدبیری دهشتلی ترور حادثهسینه صحنه اولدو.
تدبیرین کئچیریلدیگی یئرده یوک ماشینینین کوتلهیه چیرپیلماسی و سوروجونون کوتلهنین اوزرینه آتش ائتمهسی نتیجهسینده ایلک معلوماتلارا گؤره 84 نفر حیاتینی ایتیردی. اؤلوم حاللارینین اؤنملی بیر حیسهسی 15 مترلیک یوک ماشینینین 90 کیلومتر سرعتله 2 کیلومتر بویونجا ایرهلیلمهسی نتیجهسینده اونلارلا اینسانین اوزریندن کئچمهسی نتیجهسینده اولدو. حادثه نتیجهسینده 47- سی آغیر اولماقلا 100-ا یاخین اینسان دا یارالاندی.
نیس شهرینین کئچمیش والی سی، بؤلگه رهبری کرستیان استروزی بیلدیردی کی، یوک آتوموبیلیندن سلاح- مهمات آشکار اولوندو.
پاریس ترورلا موباریزه ساوجیسی هوجوملا باغلی سوروشدورما باشلاتدیغی دئیلیر.
نیس شهرینده مطبوعات ترورچونون آدینین محمد لاهوائیج بوحلل اولدوغونو بیلدیردی.
ترورچونون شخصیتی یوک ماشینیندا اولان سندلردن آشکارلاندی. نیس شهرینده یاشایان 31 یاشینداکی ترورچونون تونیس اصیللی فرانسا وطنداشی اولدوغو و داها اول خیردا قانون پوزونتولارلا علاقهدار حقوق- محافظه اورقانلاری طرفیندن ساخلانیلدیغی بیلدیریلدی.
آنجاق فرانسیز کشفیاتینین حاضیرلادیغی و رادیکال دینجیلردن عبارت 10 مین نفره یاخین آدامین آدینین یئر توتدوغو سیاهیدا بوحلل ین آدینین اولمادیغی قئید ائدیلدی.
فرانسا پرزیدنتی فرانسوا اولاند حادثهدن سونرا تعطیلینی یاریدا قویاراق پایتاخت پاریسه گلدی و باش ناظر مانوئل والس و کابینت عضولری ایله ییغینجاق کئچیردی.
داها سونرا خالقا مراجعت ائدن اولانده فرانسانین بیر داها قورخو ایله قارشی-قارشییا قالدیغینی بیلدیرهرک، بوتون فرانسانین ترور تهدیدی آلتیندا اولدوغونو سؤیله دی.
هوجومون فرانسانین سیمووللاریندان ساییلان بیر گونده، آزادلیغین سیموولو اولان 14 ایی یولدا حیاتا کئچیریلدیگینی وورغولایان اولاند هوجومو حیاتا کئچیرهنین اؤلدورولدوگونو قئید ائتدی. فرانسا پرزیدنتی بوتون صلاحیتلی شخصلرین وظیفهده اولدوغونو، بؤلگهده بوتون خستهخانالارین یارالی اولانلارا خیدمت گؤستردیگینی، فوق العاده وضعیت پلانینین ایشه داخیل اولدوغونو سؤیلهدی.
ترورلا موباریزهده یئنی بیر دؤورون باشلادیغینی وورغولایان اولاند بیلدیردی کی، لازیم گلن هر شئی یئرینه یئتیریلهرک تهلوکهسیزلیک تامین ائدیلهجکدیر.
فرانسا پرزیدنتی فرانسوا اولاند اؤلکهده خصوصی رژیمین داها 3 آی اوزادیلدیغینی دا آچیقلادی.
فرانسانین باش ناظری مانوئل والسدا ترور حادثه سیندن سونرا بوگون ایلک دفعه کامئرالار قارشیسیندا چیخاراق دئدی کی، فرانسا ترورلا یاشاماق مجبوریتینده قالاجاق، بیرلیک اولاجاغیق. اؤلکهده اوچ گون ماتم اعلان اولوندو، بونون ده عهده سیندن گلهجهیک. ترورا بویون ایمیهجهیک.
14" ایی یولون روحو فرانسانین دیرلری اطرافیندا جمع لشیر" دئیه وورغولایان واللس اصلا تسلیم اولمایاجاقلارینی ایفاده ائتدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی