باراک اوباما، تیبت‌ین روحانی لیدری دالای لاما ایله آغ ائوده گؤروشدو
چین خاریجی ایشلر ناظیرلیگی سؤزچوسو لو کانگ، دالای لامانین بؤلوچو بیر پروقرامی تعقیب ائتمکله گوناهلاندیردی
آمریکا پرزیدنتی باراک اوباما، تیبت‌ین روحانی لیدری دالای لاما ایله آغ ائوده گؤروشدو.
آغ ائوه یاخین قایناق‌لار، گؤروشمه‌ده اینسان حاق‌لاری دا داخیل ایکی اؤلکه‌نی ماراقلان‌دیران بیر چوخ موضوعنون گوندمه گلدیگینی بیلدیردی.
داها اوّل اوچ دفعه گؤروشن اوباما ایله دالای لامانین بوتون گؤروشمه‌لرینه اعتراض ایله یاخین‌لاشان چین رهبرلیگی ایسه، واشینگتوندا اولان بو سون گؤروشمه‌دن ده ناراحات‌لیغینی آچیقلادی.
چین خاریجی ایشلر ناظیرلیگی سؤزچوسو لو کانگ، دالای لامانین بؤلوچو بیر تقویم تعقیب ائتمکله گوناهلاندیرا‌راق؛
"آمریکا دولتی‌نین آچیق تعهود‌لری وار. آمریکا، تک بیر چین اولدوغونو، تیبت‌ین چین‌ین آیریلماز بیر پارچاسی اولدوغونو و سورگون‌دکی سؤزده تیبت حکومتینی اصلا تانیمایاجاغینی قبول ائدیر" ایفاده‌لرینی ایستیفاده ائتدی.
کانگ، آیریجا؛
"دینی کیسوه آلتیندا 14. دالای لاما، چینی بؤلمک اوچون اؤز سیاسی عمل‌لرینی بوتون دونیایا یایماغا چالیشیر" دئدی.
آغ ائودکی گؤروشمه‌نین، دولت و حکومت باشقان‌لاری‌نین آغیرلاندیغی اووال اوفیس یئرینه نقشه اوتاغی (Map Room) دئییلن یئرده اولماسی ایسه دقت‌لردن قاچمادی.
داها اوّلکی دالای لاما گؤروشمه‌لری‌نین ده اووال اوفیسده ائدیلمدیگی، بو شکیلده آمریکا دولتی‌نین دیپلوماتیک بیر مذاکیرنین قارشی‌سینی آلماغا چالیشدیغی قید ائدیلدی.
اوّلکی دانیشیق‌لار اولارکن آغ ائودن ائدیلن آچیقلاما‌لاردا "آمریکانین موستقیل بیر تیبتی تانیمایاجاغی" وورغوسو ائدیلمیشدی.
سورگون‌دکی تیبت حکومتی‌نین لیدرلیگی وظیفه‌سین‌دن 2011-جی ایلده آیریلان دالای لاما، تیبت بودیستلری‌نین روحانی لیدرلیگینی داوام ائتدیریر.
ایلگیلی‌لی خبرلر
ترامپ: "ایران‌دان حیاتیما قارشی بؤیوک تهدیدلر آلدیم"
ترامپ، آمئریکا کنگره‌سیندن بو اؤلکه‌نین گیزلی سئرویسی‌نه علاوه مالیه آیردیغی اوچون تشکۆر ائتدی.
