اوروپا عدالت دیوانی، شیرگت حجابلی چالیشیلماسینی دا قاداغان ائدهبیلهجگینه قرار وئردی
اوروپا عدالت دیوانی باش ساوچیسی ژولیان کوکوت، اؤزلرینه اؤتورولن اوزمان راپورو چرچیوهسینده، بئله بیر قاداغانین معین شرطلر آلتیندا قانونی اولدوغو یؤنونده فیکیر بیلدیردی
اوروپا عدالت دیوانی، شیرکتلرین بوتون دینی و سیاسی سمبووللارین گئییلمهسی و یا گؤستریلمهسینی قاداغان ائتدیگی مدتجه حجابلی چالیشیلماسینی دا قاداغان ائدهبیلهجگینه قرار وئردی.
دعوا، بلژیکده امنیت شیرکتینده چالیشان مسلمان بیر قادینین، حجابلی اولماسی سببیله ایشینه سون وئریلمهسینین آردیندان گوندمه گلدی.
قادین، شیرکت علیهینه ایکی محکمهده ادعا آچدی، محکمهلر ایسه، ادعانی سؤز موضوعسو قاداغانین اوروپا بیرلیگی قانونلارینا اویغون اولوب اولمادیغینا قرار وئرمهسی اوچون اوروپا عدالت محکمهسینه آپاردی.
اوروپا عدالت دیوانی باش ساوچیسی ژولیان کوکوت، اؤزلرینه اؤتورولن اوزمان راپورو چرچیوهسینده، بئله بیر قاداغانین معین شرطلر آلتیندا قانونی اولدوغو یؤنونده فیکیر بیلدیردی.
بونا گؤره، شیرکتلر بوتون دینی و سیاسی سمبوللارین گئییلمهسینی و یا گؤستریلمهسینی قاداغان ائتدیگی مدتجه حجابلی چالیشیلماسینی دا یاساخلایابیلهجک.
کوکوت، قاداغانین فیرمانین سیاسی و یا دینی سمبوللارین ایش یئرینده گؤزله گؤرولر بیر شکیلده اورتایا قویولماسینی مانع تؤرهدن قایداسی تملینده آلیندیغینی و معین بیر دینه قارشی اؤن محاکیمه ایچهردیغینی ایفاده ائتدی.
مجبوری اولمایان بو گؤروشون تقدیم ائدیلدیگی دعوایلا باغلی سون قرارین گلهجک آیلاردا وئریلمهسی گؤزلنیلیر.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.