نایروبیدکی، گؤستریلرده 3 نفر اؤلدو
موستقیل سئچیم و مرزلر کومیسیونو اعتراض ائدن موخالیف اصلاحات و دموکراسی کوالیسیونو یانلیلارینا پولیس بیبر گازی و گئرچک گولله سیخدی
496569
کنیانین باشکندی نایروبیده، سئچیم اصلاحاتی ایستییله کوچهیه ائنن گؤستریچیلردن 3-و، چیخان حادثهلرده اؤلدو.
اونلارلا آدامین دا یارالاندیغی گؤستریلرده چوخ سایدا اینسان دا حبس اولوندو.
مخالیف اصلاحات و دموکراسی کوالیسیونو(CORD) پارتیسی دستکچیلرینین، اونیورسیه جادهسیدکی گؤستریسینه پولیس آغیر شکیلده مودخیله ائتدی.
موستقیل سئچیم و مرزلر کومیسیونو(IEBC) اعتراض ائدن موخالیف اصلاحات و دموکراسی کوالیسیونو یانلیلارینا پولیس بیبر گازی و گئرچک گولله سیخدی.
کومیسیون بیناسینین قارشیسیندا توپلانان گؤستریچیلر، طرفسیزلیگینی ایتیریب اقتدار پارتیسینین ایدارهسینه گیردیگینی و گلهجک ایل ائدیلهجک سئچیملره حیله قاریشدیراجاغینی اؤنه سوردوکلری موستقیل سئچیم و مرزلر کومیسیونونو ایستعفایا چاغیردی.