هیلاری کلینتون کنتاکی، رقیبی برنی سندرز ایسه اورگون‌دا اؤن سئچیمی قازاندی
دموکرات پارتی، هر ایکی ایالتده اؤن سئچیم ائتدی. جمهوریتچی‌لر ایسه یالنیز اورگون‌دا صاندیق باشینا گئتدی
آمریکا باشقان‌لیق یاریشیندا دموکرات نامیزدلردن هیلاری کلینتون کنتاکی ایالتینده، رقیبی برنی سندرز ایسه اورگون‌دا ائدیلن اؤن سئچیمی قازاندی.
نوامبر آییندا ائدیله‌جک پرزیدنت سئچیمینده یاریشا‌جاق جمهوریتچی و دموکرات نامیزدلرین معین ائدیلمه‌سی مقصدیله حیاتا کئچیریلن اؤن سئچیملره کنتاکی و اورگون ایالت‌لرینده داوام ائدیلدی.
دموکرات پارتی، هر ایکی ایالتده اؤن سئچیم ائتدی. جمهوریتچی‌لر ایسه یالنیز اورگون‌دا صاندیق باشینا گئتدی.
کنتاکی‌ده دموکرات نامیزدلرین یاریشی اولدوقجا گرگین کئچدی.
سئچیم کومیسیونو مسئول‌لاری، سی. ان. ان تلویزیونونا ائتدیک‌لری آچیقلامادا، رسمی اولمایان نتیجه‌لره گؤره اؤن سئچیمی سس‌لرین یوزده 46،8ینی ائدن هیلاری کلینتونون قازاندیغینی بیلدیریب.
سندرز ایسه یوزده 46،3ده قالدی.
کلینتون، سوسیال مئدیا‌داکی حسابین‌دان یازدیغی مساژدا غالیبیتینی اعلان ائتدی.
اورگون‌دا ایسه برنی سندرس یوزده 53 رای ایله کلینتونو گئریده بوراخدی. کلینتون، یوزده 47ده قالدی.
جمهوریتچی پارتی قانادیندا ایسه بوتون رقیب‌لری یاریش‌دان چکیلن دونالد ترامپ، اورگون‌دا ظفرینی اعلان ائتدی.
بو ایالت‌دکی جمهوریتچی پارتی سچیجی‌لری‌نین یوزده 66ی ترامپ اوچون سس ایستیفاده ائتدی.
یاریش‌دان چکیلدیک‌لرینی آچیقلایان جان کاسیچ یوزده 17، تد کروزا ایسه یوزده 16 سس چیخدی.
بو آنا قدر ائدیلن اؤن سئچیملرده ترامپ، جمهوریتچی پارتی‌نین نامیزدی اولا بیلمه‌سی اوچون لازیم اولان مین 237 نماینده‌نین مین 143ونو الده ائتمیش وضعیتده.
هیلاری کلینتون دا دموکرات پارتی نامیزدی اولا‌بیلمک اوچون لازیم‌لی 2383 نماینده سایسینا چوخ یاخینلاشدی.
کلینتون، 2289 نماینده قازانارکن، رقیبی سندرز 1529 رقمینه چاتا بیلدی.
50 ایالتین اولدوغو آمریکادا 7 ایالت و ایالت اولمایان 3 بؤلگه‌ده داها سئچیم ائدیله‌جک.
7 ژوئیه‌ده اؤن سئچیمه گئده‌جک کالیفورنیا، نیو جرسی، مونتانا، شما‌لی داکوتا، جنوبی داکوتا و نیومکزیکودا خصوصیله دموکراتلارداکی نتیجه‌نین دقیقلشمه‌سی گؤزلنیلیر.
سندرز، قالان ایالت‌لرده کلینتونو کئچه‌بیله‌جگینی ایفاده ائده‌رک، یاریشی سونونا قدر داوام ائتدیرجگینی ایفاده ائدیر.
هر ایکی پارتی، ژویئه آییندا کئچیریله‌جک کونگره‌لرله نامیزدلرینی اعلان ائده‌جک.
جمهوریتچی‌لر ترامپ‌ین نامیزدلیگی آز قالا دقیق‌لشدی، دموکرات‌لاردا ایسه کلینتونون شانسی‌نین چوخ یوکسک اولدوغو ایفاده ائدیلیر.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
