آمریکا سوریه و عراقا اؤزل بیرلیکلر گؤندرهجک
آمریکا رهبرلیگی، داعش ایله موباریزه چرچیوهسینده کئچن آی دا سوریهنین شمالینا اؤزل عملیات قوجو گؤندرهجکلرینی آچیقلامیش، تخمینن 50 نفردن میدانا گلهجک بو قروپون داعش ایله موباریزه ائدن قروپلارا مصلحت و یاردیم خیدمتی وئرهجگینی بیلدیرمیشدی
آمریکا ساوونما ناظیری اشتون کارتر، سوریه و عراقا خصوصی بیرلیکلر گؤندرهجکلرینی آچیقلادی.
نمایندهلر مجلیسی سلاحلی خیدمتلر کومیتهسینده دانیشان کارتر، اؤزل بیرلیکلرین زامان ایچینده باسقینلار، گیروو قورتارما و داعش لیدرلرینی توتما کیمی عملیاتلار رئاللاشدیراجاغینی ایفاده ائتدی.
آمریکا رهبرلیگی، داعش ایله موباریزه چرچیوهسینده کئچن آی دا سوریهنین شمالینا اؤزل عملیات قوجو گؤندرهجکلرینی آچیقلامیش، تخمینن 50 نفردن میدانا گلهجک بو قروپون داعش ایله موباریزه ائدن قروپلارا مصلحت و یاردیم خیدمتی وئرهجگینی بیلدیرمیشدی.
کارتر، چیخیشیندا ترور تشکیلاتی داعشلا موباریزه موضوعسوندا تورکیهنین سوریه سرحدیندکی ایدارهلرینی آرتیرماسی لازیم اولدوغونو ده سؤیلهدی.
بو آرادا، آمریکا رهبرلیگینه، داعش ایله علاقهدار ایستراتئژیسی موضوعسوندا دستک وئرن قانون لاییحهسی، نمایندهلر مجلیسینده 58ه قارشی 364 سسله قبول ائدیلدی.
بؤیوک گیزلیلیک ایچینده حاضرلانان لاییحه، کشفیات تشکیلاتلارینا وئریلن بودجهنین یوزده 7 آرتیریلماسینا سلاحیت تانیییر.
تاساریداکی مادهلر، آمریکا جمهور باشقانینین گیزلیلیک و وطنداشلیق حاقلاری ایله علاقهدار قورولونون، گیزلی سیا عملیاتلاری حاقیندا معلومات الده ائتمهسینی ده قیسیتلیر.
لاییحه عینی زاماندا، سوریه و عراقا گیرن یا دا بو اؤلکهلردن چیخان خاریجی ساواشچیلارین سایسی حاقیندا کونگرهیه دوزنلی راپورلار تقدیم ائدیلمهسینی طلب ائدیر.
آمریکا جمهور باشقانینین داعش ایستراتژیسی حاقیندا کونگرهیه یازیلی آچیقلاما وئرمهسی ضرورتی ده، لاییحهنین گتیردیگی یئنیلیکلردن.
سؤز موضوعسو لاییحه، روسیانین 2000-جی ایلدن بو یانا "دولت ایدارهسی شکلی اولاراق سیاسی سوی-قصدلر ایستیفاده ائتمهسی"نه دایر بیر قیمتلندیرمه و میللی کشفیاتین، سایبر سالدیریلارین وئردیگی ضررین اؤلچولمسیله علاقهدار بیر آراشدیرما حاضیرلاماسینی نظرده توتور.
لاییحهنین سناتودا گؤزلهین بنزر بیر تاسارییلا اویغون حالا گتیریلمهسی و قانونلاشماسی اوچون، اوبامانین طرفیندن ایمضالانماق اوچون تقدیم ائدیلمک اوچون سنادان کئچمهسی لازیمدیر.