لیبی بحرانی‌نین طرف‌لری مراکش‌ده گؤروشدو
لیبی‌دکی شدتین سونا چاتماسی و بحرانا سیاسی حلّ تاپیلماسی مقصدیله ایلک دانیشیق‌لار ژانویه آییندا ژنوره‌ده باشلامیشدی
لیبی بحرانی‌نین طرف‌لری، راضی‌لیق دانیشیق‌لاری چرچیوه‌سینده بیرلشمیش میللت‌لر تشکیلاتینین خصوصی نماینده‌سی برناردینو لئون باشقانلیغیندا مراکشین سوهیرات شهرینده بیر آرایا گلدی.
گؤروشمه‌‌لرده طرف‌لرین میللی بیرلیک حکومتینده وظیفه آلا‌جاق حکومت باشقانی و ایکی کؤمکچی‌سی اوچون آد تعیین ائتمه‌سی گؤزلنیلیر.
لیبی‌دکی شدتین سونا چاتماسی و بحرانا سیاسی حلّ تاپیلماسی مقصدیله ایلک دانیشیق‌لار ژانویه آییندا ژنوره‌ده باشلامیشدی.
مراکشین سوهیرات شهرینده مارس آییندا باشلایان مدتده ایسه طرف‌لر ایلک اولا‌راق ژوئن آییندا عینی ماسا اطرافیندا بیر آرایا گلمیشدی.
سوهیراتدا سورن دانیشیق‌لاردا مقصد لیبی سیاسی سازیشینی حیاتا کئچیرمک.
راضیلاشمانین، اؤلکه‌دکی چاتیشما‌لارا و بحرانا حلّ تاپماق مقصدیله بیر میللی بیرلیک حکومتی قورولماسینی، طرابلوس و توبروک رهبرلیک‌لری‌نین امکداشلیغا سؤیکنن بیر سیاسی حلّ پروسه‌سی نظرده توتور.
لیبی‌ده فوریه 2011-جی ایلده حیاتا کئچیریلن اینقیلابین آردین‌دان اؤلکه‌ده سیاسی ثابت‌سیزلیگه سوروکلنمیش، بیری توبروکدا بیری طرابلوسدا ایکی آیری حکومت و مجلیس اورتایا چیخمیشدی.
