برلین‌ده نظارته آلینان ژورنالیست منصور حبس اولوندو
منصورون بو گون یئنی‌دن حاکم قارشی‌سینا چیخا‌راق، حاقین‌داکی اتهام‌لارا جواب وئرمه‌سی گؤزلنیلیر
برلین‌ده نظارته آلینان ژورنالیست منصور حبس اولوندو
میصیردا حاقیندا 15 ایل آغیرلاشدیریلمیش زیندان جزاسی وئریلدیگی اوچون آلمان‌ین باشکندی برلین‌ده نظارته آلینان الجزیره تلویزیونو سروری منصور زیندان اولوندو.
منصورون بو گون یئنی‌دن حاکم قارشی‌سینا چیخا‌راق، حاقین‌داکی اتهام‌لارا جواب وئرمه‌سی گؤزلنیلیر.
میصیر باش ساوجیسی حیشام براکات، برلین‌ده زیندان اولونان احمد منصورون اؤلکه‌سینه تسلیم ائدیلمه‌سی اوچون اینترپول و آلمان مسئول‌لا‌ریندان ایسته‌دی.
اولوسلار آراسی مطبوعات انستیتوسو (IPI)، آلمان حکومتین‌دن برلین‌ده توتولان تلویزیون سروئری احمد منصورون سربست بوراخیلماسینی ایسته‌دی.
IPI ایجرا دیرکتورو باربارا تریونفی، ائتدیگی یازیلی آچیقلامادا، میصیرداکی کودتا رهبرلیگی‌نین تنقیدی مطبوعاتا یؤنلیک باسقیلارینی آرتیردیغینی ایفاده ائده‌رک، ژورنالیست منصورون توتولماسینا ان گوج‌لو ایفاده‌لرله قینادیق‌لارینی بیلدیرمیشدیر.
