ایتالیادا یئرلی سئچیم بازار گونو کئچیریلدی

ایتالیادا 7 اوستاندار، یوزلرله بلدیه باشقانی ایله مجلیس عضوونون تعیین قیسمن یئرلی سئچیم بازار گونو کئچیریلدی.
صاندیق چیخیش آنکتلرینه گؤره باش ناظیر ماتئو رنزی‌نین لیدرلیگین‌دکی مرکز سول، توسکانا، پوگ‌لیا، کامپانیا، مارچ‌دا یاریشی قاباقدا آپاریر.
بونا قارشی‌لیق ونتودا مرکز ساغ ظفری اعلان ائتمه‌یه داها یاخین گؤرونور.
اومبریا و لیگوریادا ایسه مرکز ساغ و مرکز سول نامیزدلری آراسیندا باشا باش رقابت داوام ائدیر.
بو آنا قدر آچیلان صاندیق نتیجه‌لرینه گؤره، باش ناظیر رنزی‌نین دستکلدیگی مرکز سول "دموکراتیک پارتیسی‌نین" سس‌لری یوزده 22 وئرگول 6 اطرافیندا.
کمر سیخما سیاستی علیهداری بئش ییلدیز حرکاتی‌نین سس‌لری یوزده 19 وئرگول 6، مرکز ساغ شما‌لی لیگی‌نین ایسه یوزده 12 وئرگول 9 شکلینده رئال‌لاشدی.
رنزی‌نین پارتیسی‌نین سس‌لری‌نین بیر اوّلکی اوروپا پارلامنتی سئچیم‌لرینه گؤره دوشمه‌سی‌نین اصلاحات‌لارین داوام ائتدیریلمه‌سینی ایفلاسا اوغرادابیله‌جگی آچیقلاما‌لارینا سبب اولور.
بو آرادا، توپلام 20 میلیونا یاخین قیدلی سئچیجی‌نین اولدوغو سؤز موضوعسو بؤلگه‌لرده سئچیمیه قاتیلیم یوزده 52 سویه‌سینده قالدی.