سنگال خاریجی ایشلر ناظیری تورکیه‌ده
تورکیه-سنگال علاقه‌لری‌نین، 1964-جو ایلده باشلادیغینی خاطیرلا‌دان ندیای، ایکی اؤلکه آراسیندا یوکسک سویه‌ده رسمی سفرلر اولدوغونو قید ائتدی
سنگال خاریجی ایشلر ناظیری مانکور ندیای، تورکیه‌نین بؤیوک بیر اؤلکه اولدوغونو و تجروبه‌سین‌دن فایدالانابیله‌جکلرینی سؤیله‌دی.
ناظیر ندیای، آنادولو آژانسینا تورکیه-سنگال ایلیشکیلرینی قیمتلندیردی.
تورکیه‌نین اوروپانین ان بؤیوک تکستیل و آشپزخانا وسایلی اوره‌تیچیلریندن بیری اولدوغونو ذکر ائدن ندیای؛
- "تورکیه‌نین چوخ بؤیوک اقتصادی گوجو وار. بؤلگه‌دکی ژئوسیاسی رولو دا چوخ اهمیت‌لی، خصوصیله یمن‌دکی سون اینکیشاف‌لاردان سونرا بو داها یاخشی آیدین اولدو" دئیه دانیشدی.
تورکیه-سنگال علاقه‌لری‌نین، 1964-جو ایلده باشلادیغینی خاطیرلا‌دان ندیای، ایکی اؤلکه آراسیندا یوکسک سویه‌ده رسمی سفرلر اولدوغونو قید ائتدی.
ایکی‌لی ایلیشکیلرین داها دا اینکیشاف ائده‌جگینی وورغولایان ندیای، سنگال پرزیدنتی مکی سال‌ین، پرزیدنت رجب طیب اردوغانین دعوتی اوزرینه، 23 آوریلده تورکیه‌نی زیارت ائده‌رک، چاناققالا ساواش‌لاری‌نین 100. ایل آنما مراسیم‌لرینه قاتیلاجاغینی، داها سونرا دا ایستانبولدا ، یوزلرله تورک ایش آدامی و یاتیریمچیلارلا گؤروشه‌جگینی ایفاده ائتدی.
ناظیر ندیای، تورک امکداش‌لیق و کووردیناسیون آژانسی‌نین(تیکا) سنگال‌داکی فعالیت‌لرین‌دن ده تعریفله سؤز ائتدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
