اوکرایندا آتشکس
جبهه خطلریندن گلن ایلک گلن معلوماتلار، طرفلرین آتشکهسه اویدوغو یؤنونده
اوکرایندا آتشکس
اوکرایندا مرکزی رهبرلیکله روسیا یانلیلاری آراسینداکی آتشکس، بو گئجه یاریسی اعتباریله اجرایه گیردی.
جبهه خطلریندن گلن ایلک گلن معلوماتلار، طرفلرین آتشکهسه اویدوغو یؤنونده.
روسیا یانلیلاری قالاسی دونتسکین گئجه 1 سولاریندا قیسا مدته سلاح سسلری ائشیدیلدی آنجاق سونرا بیر نیظامی حرکتلیلیک یاشانمادی.
مینسک پروتوکولونه گؤره، آتشکهسین باشلاماسیندان ان گئج 48 ساعات سونرا، طرفلرین آغیر سلاحلارینی جبهه خطلریندن چکمهیه باشلاماسی لازیمدیر.
جمعه آخشامی گونو بلاروسون باشکندی مینسکده نورماندیا دؤرتلوسو کیمی تانینان روسیا، اوکراین، آلمانیا و فرانسا لیدرلری بیر آتشکس پروتوکولو اوزرینده راضیلاشمیشدی.
پروتوکول، اوکرایندا 10 آیدیر داوام ائدن و 5 میندن چوخ جانا مال اولان ایچ ساواشیندا، سلاحلارین سوسماسینی و آردیندان دا قالیجی باریش اوچون دانیشیقلار ائدیلمهسینی نظرده توتوردو.
بو آرادا، آمریکا پرزیدنتی باراک اوباما، اوکراینین شرقینده میدانا گلن اینکیشافلارا باغلی آلمانیا باش ناظیری آنگلا مرکل و اوکراین دولت باشقانی پترو پوروشنکو ایله تلفون گؤروشمهسی ائتدی.
اوباما، مرکل ایله گؤروشمهسینده، اوکراینین شرقینده باشلایان آتشکهسی اله آلدی. ایکی لیدر، آتشکس آنلاشماسینین گریی اوچون طرفلرین مسئولیتلرینی یئرینه یئتیرمهسی لازیم اولدوغونو وورغولادی.
اوباما، پوروشنکو ایله گؤروشمهسینده ده، چاتیشمالاردان اؤترو اوکراین وطنداشلارینین آرتان جان ایتکیلریندن اؤترو باش ساغلیغی دیلهدی و خصوصیله دبالتسئوودا و اطرافیندا داوام ائدن چاتیشمالار باره سینده درین ناراحاتلیغینی دیله گتیردی.
گلهجک گونلرده ده تماس حالیندا اولماغی داوام ائتدیرمه موضوعسوندا راضی قالان ایکی لیدر، اوکراینین مستقیللیک و بیرلیگینه حؤرمت گؤسترهجک قالیجی باریشین یارادیلماسی اهمیتینه توخوندو.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.