توتوقلاما طلبی حاضیرلامیشدی
دؤولت باشقانینی ایران ایله آنلاشماقلا سوچلایان نیسمانین، فرناندز د کیرشنر اوچون توتوقلاما طلبی حاضیرلادیغی بیلدیریلدی
آرژانتینده دؤولت باشقانی کریستینا فرناندز د کیرشنرین 1994دهکی ترور سالدیریسینا باغلی سوروشدورمادا ایران ایله گیزلیجه آنلاشمایا وارماقلا سوچلایان ساوجی آلبرتو نیسمانین، فرناندز د کیرشنر اوچون توتوقلاما طلبی حاضیرلادیغی بیلدیریلدی.
ایکی هفته اؤنجه ائوینده باشیندان سلاحلا وورولموش حالدا تاپیلان نیسمانین اؤلومویله علاقهلی سوروشدورما یئریدن ساوجی ویویانا فین، توتوقلاما طلبینین نیسمانین یاشادیغی آپارتمانا عاید زیبیل قوتولاریندان بیرینده تاپیلدیغینی سؤیلهدی. سندین نیسمانین فدرال محکمهیه وئردیگی دعوی دیلکچهسینده/عریضهسینده یئر آلمادیغینی ایفاده ائدن فین، بلگهنین سوروشدورمانین یؤنونو دییشدیرهجک اؤتمده اولمادیغینی ساووندو.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب