اولوسلار آراسی پول صاندیقیندان یونانیستانا اویاری
لاگارد، اؤزو اوچون اولویتین، یونانیستاندا یئنی رهبرلیگین تشکیلاتی اصلاحاتلارلا باغلی پروقرامینی گؤروشمک اوچون دیالوقو تاسیس ائتمک اولدوغونو ایفاده ائتدی
اولوسلار آراسی پول صاندیقیندان یونانیستانا اویاری
کریستین لاگارد، "یورو بؤلگهسی ایچینده اویونون رعایت ائدیلمهسی لازیم اولان قایدالاری وار. بعضی اؤلکهلر اوچون خصوصی کاتقوریلر یاراتابیلمریک" دئدی.
اولوسلار آراسی پول صاندیقی باشقانی کریستین لاگارد، یونانیستاندا عمومی سئچیملرین آردیندان اقتدارا گلن رادیکال سول کوالیسیون اتفاقین(سیریزا)، اقتصادی اصلاحاتلاری گئجیکدیرممسی موضوعسوندا هشدار وئردی.
لاگارد، اؤزو اوچون پریوریتئتی، یونانیستاندا یئنی رهبرلیگین تشکیلاتی اصلاحاتلارلا باغلی پروقرامینی گؤروشمک اوچون دیالوقو تاسیس ائتمک اولدوغونو ایفاده ائدهرک، اساسی اصلاحاتلار موضوعسونداکی گئجیکمهلری تلافی ائدیلمهسینی گؤزلدیکلرینی ایفاده ائتدی.
"اوّلجه دولتین وئرگی توپلاما سیستمینی اصلاحاتلاردان کئچیرمهسی و حقوق سیستمینین داها تأثیرلی ایشلمهسی لازیم اولدوغونو" وورغولایان لاگارد، بونون قناعت تدبیرلری ایله باغلی اولمادیغینی ایفاده ائدهرک، "بونلار ائدیلمهسی لازیم اولان اصلاحاتلار" دئیه بیلدیرمیشدیر.
"یونانیستانین بورجلارینین سیلینمهسینی قبول ائتمهنین مومکون اولمادیغینی" یازان لاگارد، بونون اوروپا بیرلیگی اؤلکهلری ایچینده بیر حاق پروبلمی اولدوغونو بیلدیردی.