اوروپا گوونلیک و ایش بیرلیگی تشکیلاتیندن اوتریشه هشدار

اوروپا گوونلیک و ایش بیرلیگی تشکیلاتیندن اوتریشه هشدار
اوروپا گوونلیک و ایش بیرلیگی تشکیلاتی AGİT، اوتریشه "ایسلام قانون لاییحه‌سی" خبردارلیغی ائتدی.
AGİT، اوتریش‌دکی مسلمان جمعیته یؤنلیک قانون لاییحه‌سی‌نین اولوسلار آراسی اینسان حاق‌لاری ایستاندارد‌لارینا و اوروپا گوونلیک و ایش بیرلیگی تشکیلاتی مسئولیت‌لرینه اویغون اولمادیغینی بیلدیردی.
اوروپا گوونلیک و ایش بیرلیگی تشکیلاتی دموکراتیک قوروملار و اینسان حاق‌لاری اوفیسی، اوتریش‌دکی مسلمان جمعیته یؤنلیک قانون لاییحه‌سی حاقیندا بیلگی حاضرلادی.
اوتریش حکومتینه وئریلن 21 صحیفه‌لیک راپوردا، تشکیلاتین اینترنت سایتیندا دا یایینلاندی.
راپوردا، اوتریش‌ین، ایسلامین دینی بیر جماعت اولا‌راق تانینماسینا دایر 1912-جی ایل تاریخ‌لی قانونو مودرنیزه ائتمه‌سی‌نین ممنونیتله قارشیلاندیغی ایفاده ائدیلدی.
اوروپا گوونلیک و ایش بیرلیگی تشکیلاتی راپوروندا، ائدیله‌جک قانونی دوزنلمه‌لرین اولوسلار آراسی حقوقون تمل پرینسیپ‌لرینه اویغون اولماسی لازیم اولدوغو وورغولاندی.
راپوردا، قانوندا یئر آلان بعضی حؤکم‌لرین قالدیریلماسی ایستندی.
اوتریش‌ده کوالیسیون حکومتی طرفین‌دن 2 اوکتوبردا آچیق‌لانان "ایسلام یاسا تاساری‌سی"، سیویل تشکیلات‌لاری، اوستادلاری و ایلاهیاتچی‌لاری طرفین‌دن آنایاسانین برابرلیک پرینسیپینه، تشکیلاتلانما و دین آزادلیغینا ضد اولدوغو سببیله تنقید اولونور.
تخمینن 8 میلیون اها‌لیسی اولان اوتریش‌ده 500 مین‌دن چوخ مسلمان یاشادیغی تخمین ائدیلیر.