پوتین: آمریکا روسیایا "بویون ایدیرمک" ایستیر
"خالق جبهه‌سی" آدلی سیویل تشکیلاتین دوزنلدیغی فوروما دانیشان اولا‌راق قاتیلان پوتین، بیر قاتیلیمچی‌نین "آمریکا، روسیانی آلچالدماق ایستییر" شکلین‌دکی ایفاده‌سینی قیمتلندیردی
روسیا دولت باشقانی ولادیمیر پوتین، آمریکانین روسیایا "بویون ایدیرمک" ایستدیگینی، بونو ائده بیلمه‌یه‌جک‌لرینی سؤیله‌دی.
"خالق جبهه‌سی" آدلی سیویل تشکیلاتین دوزنلدیغی فوروما دانیشان اولا‌راق قاتیلان پوتین، بیر قاتیلیمچی‌نین "آمریکا، روسیانی آلچالدماق ایستییر" شکلین‌دکی ایفاده‌سینی قیمتلندیردی.
پوتین، "اونلار، بیزی آلچالدماق ایستمیر، بیزه بویون ایدیرمک ایستییرلر. بیزیم اوزریمیزدن اؤز پروبلم‌لرینی حلّ ائتمک و بیزی اؤز تأثیرلری آلتینا آلماق ایستییرلر. بونو تاریخ بویونجا هئچ کیم ائده بیلمه‌دی و ائده بیلمه‌یه‌جک" دئدی.
آمریکانین اؤز موتتفیق‌لرینی تأثیری آلتینا آلدیغینی ساوونان پوتین، بو اؤلکه‌لری آمریکانین "اویدوسو اولماقلا" تنقید ائتدی.
پوتین، آمریکا موتتفیق‌لری‌نین آنلاشیلماز بیر پرسپکتیوله "اؤز میللی ماراق‌لارینی هئچه سایا‌راق" واشینگتونون ماراق‌لارینی مدافعه ائتدیگینی ادعا قویدو.
