اوبامادان عراق آچیقلاماسی
اوباما، ایرانین مذهبی گرگینلیگی آرتیریجی آددیملاردان قاچینماسینی ایستهدی
آمریکا پرزیدنتی باراک اوباما عراق قونوسوندا دانیشدی.
عراقداکی ایشید تهدیدینه قارشی آتیلاجاق آددیملاری بیلدیرن اوباما، بؤلگهیه تخمینا ۳۰۰ عسگری دانیشمانین گؤندریلهجیینی قید ائتدی. عسگری بیرلیگین عراق گوونلیک گوجلرینه ائییتیم و دانیشمانلیق خیدمتی وئرجیی بیلدیریلدی. اوباما آمریکا عسگرینین محاریب گوج اولاراق بؤلگهیه گؤندریلمهیهجیینی تکرارلادی. عراقدا استخبارات ایشلرینین آرتیریلدیغینی دیله گتیرن اوباما، عراق حکومتی ایله بیرلیکده قورولان عملیات مرکزینده بیلگیلرین پایلاشیلدیغینی ایفاده ائتدی.
اولابیلهجک عملیاتلارا باغلی ده بیلگی وئرن اوباما، گرکلی اولماسی حالیندا حیاتا گئچیریلمک اوزره هدفلی و بلیرگین حربی مداخیله اوچون حاضرلیق یئریدیلدیگینی قید ائتدی. بو قرار ایله بیرلیکده هاوا دستکلی سالدیری سئچهنگینین هلهلیک قالخدیغی یورومو ائدیلدی.
آمریکا پرزیدنتی عراقداکی یؤنهدیم بحرانینا ده دقت چئکدی، بیرلیگه چاغیردی. مالیکی حکومتینه سسلنن اوباما، عراقلی لیدئرلردن آرالارینداکی آیریشمانی بیتیریب؛ بیر سیاسی پلان اطرافیندا توپلانمالارینی ایستهدی. واشینگتونون دیپلوماتیک چابالارا لیدئرلیک ائدجیینی بیلدیرن اوباما، آمریکان خاریجی ایشلر باخانی جون کرینین هفته سونو اورتادوغو و آوروپادا اولاجاغینی بیلدیردی.
تهران یؤنهدیمینه ده سسلنن باراک اوباما، بو مدتده ایرانین یاپیجی رول اوستلنهبیلهجگینی قید ائتدی. اوباما، ایرانین مذهبی گرگینلیگی آرتیریجی آددیملاردان قاچینماسینی ایستهدی.