تۆرکسات ۶آ اوزایا آتیلاجاق
تۆرکسات ۶آ، اوزایا آتیلاجاغی آمریکا بیرلشمیش دؤولتلرینین فلوریدا ایالتیندهکی کیپ کاناورال اوزای مرکزینه واردی
![تۆرکسات ۶آ اوزایا آتیلاجاق](http://cdn.trt.net.tr/images/xlarge/rectangle/c365/1d58/567e/6662bca34331c.jpg?time=1722044766)
تۆرکیهنین ایلک یئرلی و میللی خبرلشمه اۆیدوسو تۆرکسات ۶آ، اوزایا آتیلاجاغی آمریکا بیرلشمیش دؤولتلرینین فلوریدا ایالتیندهکی کیپ کاناورال اوزای مرکزینه واردی.
آنتونوو آن-۱۲۴ تیپی یۆک اوچاغی ایله آمریکایا گؤندریلهن تۆرکسات ۶آ، ۱۹ ساعاتی آشقین سۆرهن سفرین آردیندان سیراغا گون آمریکا یئرلی ساعاتییلا ۱۲.۰۰ده (تۆرکیه ساعاتی ایله ۱۹.۰۰) کیپ کاناورال اوزای مرکزینه چاتدی.
اۆیدو، اوچاغین ائنیشینین آردیندان تخمیناً ۴ ساعات داوام ائدن ایشلر سونراسی اسپیسین یوواسینا آلیندی.
تۆرکسات آ، ۴ ژوئنده اولاشدیرما و آلت یاپی باخانی عبدالقادیر اورالاوغلو ایله صنایع و تکنولوژی باخانی محمد فاتح کاجیرین ایشتیراکییلا، مۆرتد هاوا میدانیندا تشکیل ائدیلهن مراسیمله آمریکایا گؤندریلمیشدی.
اسپیس اکس تاسیسلرینده آتما ایشلملرینین باشلادیلاجاغی تۆرکسات ۶آنین، ۸-۱۵ جولای هفتهسینده هاوا شرطلرینه باغلی اولاراق اوربیتینه آتیلماسی پلانلانیر.
تۆرکسات ۶آ، ۴۲ درجه دوغو اوربیتینده، ۳۵ مین ۷۸۶ کیلومتر اوزاقلیقدا قونوملاناجاق.
۷،۵ کیلووات گوجه صاحب، ۴ مین ۲۵۰ کیلوگرام آغیرلیغینداکی تۆرکسات ۶آ ایله وار اولان اۆیدولارین سرویس وئرمهدیگی هیندیستان، تایلند، مالزی و اندونزی، تۆرکساتین احاطه ساحهسینه گیرهجک.
اۆیدولارین چاتدیغی جمعیت بئلهجه ۳،۵ میلیارددان ۵ میلیاردا چیخاجاق.
تۆرکسات ۶آنن خیدمته گیرمهسی ایله تۆرکساتین بؤلگهیه ایستیقامتلی اۆیدو خیدمتی صادراتینین دا اؤنملی اؤلچوده آرتماسی هدفلهنیر.