تورک بیلیم آدامینا آلمانیادا اؤدول وئریلدی
پروفسور دکتر فاتح عمر ایلدای، لیزر تکنولوژیسینین گلیشدیریلمه‌سینه وئردیگی قاتقی سببی ایله آلمانیادا "الکساندر فون هومبولدت پروفسورلوغو" اؤدولو آلدی
تورک بیلیم اینسانی پروفسور دکتر فاتح عمر ایلدای، لیزر تکنولوژیسینین گلیشدیریلمه‌سینه وئردیگی قاتقی سببی ایله آلمانیادا "الکساندر فون هومبولدت پروفسورلوغو" اؤدولو آلدی.
هومبولدت وقفی، دونن باشکند برلینده اؤدول مراسیمی تشکیل ائتدی.
مراسیمده ۱۲ آراشدیرماچی "الکساندر فون هومبولدت پروفسورلوغو"نا لایق گؤرولدو.
اؤدول آلان آراشدیرماچیلار آراسیندا تورک بیلیم آدامی پروفسور دکتر فاتح عمر ایلدای دا یئر آلدی.
الکساندر فون هومبولدت وقفینین پروفسورلوغونا لایق گؤروله‌ن ایلدای، اؤدولونو، آلمانیا تحصیل و آراشدیرما باخانی بتینا ایستارک واتزینگرین الیندن آلدی.
باخان واتزینگر، بوراداکی دانیشماسیندا، پروفسور دکتر ایلدایین لیزر اچالیشنالارینی اؤوه‌رک "فیزیکچیلرین لیزرلری ایلک اولاراق باشقا بیر بالونون ایچینه سیخیشمیش دیگر بالوندان دیشدا‌کی بالونا ضرر وئرمه‌دن پاتلاتماق اوچون ایستیفاده ائتدیکلری دئییلیر. بو، ائتکیله‌ییجی بیر باشاری. بونا شبهه یوخ. لیزر تکنولوژیسینین بالونلارلا سینیرلی قالماماسی نه قدر یاخشی و سیزین کیمی داواملی اولاراق ممکن اولانین سرحدلرینی زورلایان اینسانلار اولماسی نه قدر یاخشی. یارینین چؤزوملری اوچون ماراق و جسارتله، ایستک و عزمله مباریزه ائدیرلر" ایفاده‌لرینی ایشلتدی.
بیلکنت بیلیم‌یوردو الکتریک-الکترونیک مهندسلیگی بؤلومونده چالیشان پروفسور ایلدای، لوازیم بیلیمینده یئنی آراشدیرما ساحه‌لری کشف ائتمک و دونیا استانداردلاریندا بیر آراشدیرما مرکزی قورماق اوزره بوخوم رور اونیوئرسیته‌سینه دعوت ائدیلدی.
