دونیا سون ایللرین ان گوجلو ژئومغناطیس قاسیرغاسی ایله سارسیلدی

میللی اقیانوس و آتمسفر ایداره‌سی (NOAA) گونشده باش وئرن پارتلاییش ایله باغلی آچیقلاما وئریب.

آچیقلامادا ژئومغناطیس قاسیرغاسی‌نین الکترون جیهازلاردا پروبلئم‌لر یارادا بیله‌جگی خبردارلیغی ائدیلیب. علاوه ائدیلیب کی، GPS (قلوبال یئرلشدیرمه سیستمی) ایله باغلی پروبلئم‌لر اولا بیلر.

بئله فیرتینا‌لار عادتن گونش‌دن یئره گلن یوک‌لو پارچاجیکلرین (ذرات باردار) آتسفرله قارشی‌لیق‌لی علاقه‌سی نتیجه‌سینده باش وئریر و مغناطیس قاسیرغا‌لارینا سبب اولا بیلر.

فیرتینا یئر کوره‌سیندن 20 دفعه بؤیوک اولان لکه‌دن گلیب. بیر نئچه گون اول گونشده باش وئرن آلوو بیرباشا یئره دوغرو بؤیوک پارچاجیک لار آخینینا سبب اولدو.

ژئومغناطیس قاسیرغا‌لارینی ایزله‌ین علم آدام‌لاری بو حادثه‌دن سونرا پلانتی گونش قاسیرغاسی‌نین وورا بیله‌جگینی پروقنوزلاشدیریب‌لار. لاکین بئله گوجلو فیرتینا ایله قارشیلاشاجاغی پروقنوزلاشدیریلمیردی.

گؤک بیلیمجیلر بیلدیریرلر کی، گونشده پارتلاییش‌لار تدریجن آرتا‌جاق و بیر نئچه ایل عرضینده پیک حده چاتا‌جاق.